Долно Соње

Од Википедија — слободната енциклопедија
Прејди на прегледникот Прејди на пребарувањето
Долно Соње
Dolno-Sonje-poglednato-od-patot-za-Osincani.JPG

Поглед на селото Долно Соње од патот за с.Осинчани

Долно Соње is located in Македонија
Долно Соње
Местоположба на Долно Соње во Македонија
Координати 41°56′24″N 21°22′40″E / 41.94000° СГШ; 21.37778° ИГД / 41.94000; 21.37778Координати: 41°56′24″N 21°22′40″E / 41.94000° СГШ; 21.37778° ИГД / 41.94000; 21.37778
Општина Coat of arms of Sopište Municipality.svg Сопиште
Население 689 жит.
(поп. 2002)
Надм. вис. 585 м
Слава Спасовден
Commons-logo.svg Долно Соње на Ризницата

Долно Соње (познато и како: Долно Солње) — село во Општина Сопиште, во околината на градот Скопје.

Географиja и местоположба[уреди | уреди извор]

Селото Долно Соње е сместено на јужната падина на Водно. Селото е дел од областа Каршијак. Оддалечено е 11,5 километри југозападно од Скопје.

Долно Соње поглед на селото од кај селската црква
Куќа со стара архитектура во Долно Соње.
Куќа со стара камена архитектура во Долно Соње.

Историја[уреди | уреди извор]

Жители на Долно Соње и селото во почетокот на XX век

Во XIX век селото било дел од Скопската каза во рамките на Отоманската Империја.

Археолошки локалитети[уреди | уреди извор]

  • Поткарпа (Раов Дол) — осамен наод од римското време. Над современиот пат за селото Долно Соње, на една падина се наоѓа надгробна стела, веројатно ископана при обработувањето на нивата. Стелата е од варовник, со релјефна претстава на задушна гозба и латински натпис, а нејзините димензии се 233 × 63 × 20 см. Споменикот се наоѓа на местото каде што е пронајден.
  • Св. Спасосамен наод од римското време. При реновирањето на црквата, во 1973 година, на јужниот внатрешен ѕид е откриен фрагмент од надгробна плоча со латински натпис и димензии од 84 × 40 см. Споменикот се наоѓа на местото каде што е пронајден.
  • Чешмаосамен наод од римското време. Во селската црква е вѕидана надгробна стела со релјеф и латински натпис, оштетена во горниот дел. Нејзините димензии се 62 × 47 см.
Црквата Свети Спас во Долно Соње. Во летото 2016 година е срушена и на нејзино место се гради нова црква.
Во чешмата среде село е вградена стара надгробна плоча од римско време

Економија[уреди | уреди извор]

Економијата во селото е на ниско ниво и се заснова на една фирма во која се вработени 15 работници, останатата економија е дел од сточарството и земјоделството. Луѓето се претежно вработени во фабрики и мал дел се во компании.

Демографија[уреди | уреди извор]

Според статистиката на Васил К'нчов („Македониja, Етнографиja и статистика“) од 1900 година, во Долно Соње живееле 410 жители, сите Македонци.[1]

Според секретарот на бугарската егзархија Димитар Мишев, („La Macédoine et sa Population Chrétienne“) во 1905 година во Долно Соње имало 384 Македонци, егзархисти.[2]

Според пописот од 2002 година, во селото Долно Соње живеат 689 жители, од кои:[3]

Националност Вкупно
Македонци 678
Албанци 0
Турци 0
Роми 0
Власи 2
Срби 4
Бошњаци 0
Други 5

На табелата е прикажан бројот на население низ сите пописни години:[4]

Година 1900 1905 1948 1953 1961 1971 1981 1991 1994 2002
Население 410[1] 504[2] 873 818 778 705 617 603 601 689

Родови[уреди | уреди извор]

Во Долно Соње од секогаш па сѐ до денес живеат исклучиво Македонци од православна христијанска вероисповед.

Родови во селото се: Џуковци, Каралковци, Баревчиња, Митревци, Савевци, Рустиковци, Милевци, Бардовчиња и Марковци, староседелски родови; Бужевци, Бадаловци, Китевци, Соколовци, Илиовци, Стевановци, Богдановци, Пеќаковци и Димовци, не се знае дали се староседелци, или доселеници со непозната старина; Тодоровци (доселени од Барово); Умаровци (доселени од Маврово, гостиварско); Малезановци (доселени се од Добри Дол); Јовевци, Алтивој и Зетовци (доселени се однекаде).[5]

Општествени институции[уреди | уреди извор]

Општествени институции кои фукционираат во селото се :

  • Основно училиште од прво до четврто
  • Амбуланта

Администрација и политика[уреди | уреди извор]

Селото е администрирано под раководството на месната заедница, црковниот одбор и општината Сопиште.

Културни и природни знаменитости[уреди | уреди извор]

Водопад „Прскало“ туристички локација постојка и одморалиште на велосипедската патека и другите патеки во склоп на пределот село Д. Соње - „Борчиња“. Водопадот е реткост за околината на Скопје и тоа е причина повечќе туристите да го посетат.

Пределот „село Д. Соње - Борчиња“ е еден од најатрактивните предели на планината, создадени и оптстојани без човечка помош, речиси недопрени со исклучок на ловџиите.

Црквите се културно-историско-верско наслетсво кое опстанало со години. Постарите цркви се многу привлечни за странските туристи и делумно и за нашите. Црквите се привлечни бидејќи ја имаат зачувано својата автентичност со тоа што не се реконструирани,токму тоа наидува на позитивна оцена кај туристите.

Манастирите се споменици на културата и туристичко угостителски објекти. Од една страна тие се споменици, а од друга страна место за престој. Манастирите се посетуваат со многу цели од кои јас потенцирам некои: староста на објектот, староста на фреските, иконте и иконостасот, се доаѓа со цел да се преспие и да воспостави црковна медицина.

Цркви

Редовни настани[уреди | уреди извор]

  • 6 јануари - Бадникова вечер (музика гозба)
  • Велиген (Тапани)
  • Спасовден (селска слава)
  • Свети Јован Водици (фррлање на крст)

Иселеништво[уреди | уреди извор]

Селето има имиграција и тоа луѓето што во минатото мигрирале во градот повторно севраќаат назад. Селото има голем број викендаши. Во минатиот век имало 2-3 семејства кој го напуштиле селото и заминале во Австралија.

Наводи[уреди | уреди извор]

  1. 1,0 1,1 Кѫнчовъ, Василъ. Македония. Етнография и статистика. София, Българското книжовно дружество, 1900. ISBN 954430424X. с. 206.
  2. 2,0 2,1 D.M.Brancoff. "La Macédoine et sa Population Chrétienne". Paris, 1905, р.114-115.
  3. http://www.stat.gov.mk/publikacii/knigaX.pdf Попис во Македонија 2002. - Книга 10.
  4. Население на Република Македонија според изјаснувањето за етничката припадност, по населени места, според пописите на население 1948, 1953, 1961, 1971, 1981, 1991, 1994 и 2002 година (согласно територијалната организација од 1996 година) *Државен завод за статистика http://makstat.stat.gov.mk.
  5. Трифуноски, Јован (1958). Слив Маркове Реке - антропогеографска проматрања. Скопје: Филозофски факултет. 
  6. Пложен камен темелник на нова црква во село Долно Соње

Поврзано[уреди | уреди извор]

Надворешни врски[уреди | уреди извор]