Тетовски дијалект

Од Википедија — слободната енциклопедија
(Пренасочено од Долнополошки дијалект)
Прејди на: содржини, барај
Тетовскиот дијалект на картата на македонските дијалекти
Извадок од приказна раскажана од стара жена од с. Челопек, Тетовско на тетовски дијалект.

Проблеми со пуштањето? Помош.
Оглас испишан на тетовски, но со латинично писмо

Тетовски дијалект[1] (познат и како: Долнополошки; месно познат како: Тетосќи) — дијалект на македонскиот јазик. Дијалектот спаѓа во групата на западни дијалекти од северното наречје. Тетовскиот дијалект се зборува во тетовската околина, поточно во градот Тетово, општина Брвеница и општина Јегуновце со околните села (без селата Вратница, Рогачево, Старо Село, Беловиште и Одри кои го говорат вратничкиот дијалект). Дијалектот е сличен со горанскиот дијалект, а негова главна карактеристика е зачестената употреба на предлогот у, замена на самогласката а со самогласката у и користење на -е како множинска наставка.

Фонолошки карактеристики[уреди | уреди извор]

  • старото самогласно л е заменето со групите у/ лу/ ла: јаболко > јабука , солза > слăза;
  • употреба на самогласката а наместо е: трева > трава ;
  • употреба на ă наместо јерот: лаже > лăже ;
  • употреба на у наместо црковномакедонското ОН: пат > пут[2]

Морфолошки карактеристики[уреди | уреди извор]

  • употреба на наставката -мо за прво лице множина: одиме > идемо
  • непчаното Ј пред буквата Е на почеток на збор: јазик > језик
  • согласната група мн е заменета со согласната група мл: многу > млогу
  • употреба на предлогот у: во град > у град[2]

Наводи[уреди | уреди извор]

  1. Божидар Видоевски (Дијалектите, том1, 1998: стр.149-162) овој дијалект го нарекува исклучиво Тетовски (не Долнополошки).
  2. 2,0 2,1 С. Бојковска, Д. Пандев, Л. Минова-Ѓуркова, Ж. Цветковски. „Македонски јазик за средното образование“. Просветно дело. Скопје, 2001. стр. 252.

Надворешни врски[уреди | уреди извор]