Договор од Ахал
| Потпишан | 21 септември 1881 година |
|---|---|
| Место | Геок-Тепе и Техеран |
| На сила од | 21 септември 1881 година |
.jpg)
Договорот од Ахал бил договор потпишан на 21 септември 1881 година помеѓу Руската империја и Персија, според кој Туркменистан потпаднал под контрола на Руската империја[1].
Историја
[уреди | уреди извор]До крајот на 19 век, Руската империја се соочила со задача да го спречи англиското ширење во Средна Азија. За да се постигне ова, неопходно било да се освои Туркестан. Во овој случај, речиси целиот басен на Каспиското Езеро би бил под руска контрола. По експедицијата на Ахал-Теке и заземањето на Геок-Тепе од страна на генералот Скобелев, владетелот на Персија Насер ад-Дин Шах го испратил својот министер за надворешни работи Мирза Саид Кан Ансари да се сретне со Иван Зиновиев за да се подготви за потпишување на договор со кој ќе се регулираат односите меѓу Русија и Персија во Централна Азија.
По склучувањето на овој договор, Персија изгубила влијание во Централна Азија и престанала да полага право на Туркестан и Маверанахр. Според овој договор, во 1884 година Мерв, Сарахс, Асхабад и околните области потпаднале под руска контрола. Овој договор, исто така, ја утврдил реката Атрек како нова граница меѓу Русија и Персија. По приклучувањето кон Руската империја, териториите на Туркменистан биле именувани како Закасписки регион.
Наводи
[уреди | уреди извор]- ↑ Adle, Chahryar (2005). Palat, Madhavan K. (уред.). History of civilizations of Central Asia. 6: Towards the contemporary period: from the mid-nineteenth to the end of the twentieth century / President: Chahryar Adle; Co-Eds. Madhavan K. Palat. Paris: UNESCO Publ. ISBN 978-92-3-103985-0.
Литература
[уреди | уреди извор]- Ахал-текинские экспедиции // Военная энциклопедия : [в 18 т.] / под ред. В. Ф. Новицкого … [и др.]. — СПб. ; [М.] : Тип. т-ва И. Д. Сытина, 1911—1915.
Поврзано
[уреди | уреди извор]- Договорот од Техеран (1881)