Дијамантски фазан

Од Википедија — слободната енциклопедија
Прејди на прегледникот Прејди на пребарувањето
Дијамантски фазан
Chrysolophus amherstiae 18092009.jpg
Мажјак
Женка
Научна класификација
Царство: Животни
Колено: Хордови
Класа: Птици
Ред: Кокошковидни
Семејство: Фазани
Потсемејство: Фазани
Род: Вратнички фазани
Вид: Дијамантски фазан
Биномен назив
Chrysolophus amherstiae
Leadbeater, 1829

Дијамантски фазан (науч. Chrysolophus amherstiae) — птица од семејството на фазаните (Phasianidae) во склоп на редот на кокошковидните (Galliformes).

Птицата е со потекло од југозападна Кина и Бурма, но подоцна одведена и на други места. Денес позначаен број има во Англија, и тоа највеќе во грофовијата Бедфордшир. Примероци од ова животно може да се погледаат во Зоолошката градина во Скопје.[2]

Изглед и поведение[уреди | уреди извор]

Возрасниот мажјак е долг 100–120 см, од кои само опашката е долга 80 см. Има изразена сиво-црна глава, долга сива опашка и задник. Перјето на телото е со црвена, сина, бела и жолта боја. Има и „плашт“, кој го крева кога се перчи.


Женката има многу поскромен изглед, со прошано кафеаво перје по целото тело, слично на женката на обичниот фазан, но со поситни пруги. Многу личи и на женката на златниот фазан, но има потемна глава и почист долен дел од женката на другите видови.

Иако мажјакот е упадлив по изглед, овие птици сепак тешко се забележуваат во својата природна средина, која се состои од густи темни шуми, со исто така густа ниска растителност. Поради ова, многу малку се знае за нивното поведение во дивина.

Се хранат на земја со семиња, листови и без’рбетници, но преноќуваат на гранки од дрва. Можат да летаат, иако претпочитаат да трчаат, но кога ќе се уплашат, нагло и бргу излетуваат со звук од крилјата.

Мажјакот има груб извик во сезоната на парење.

Овој вид е во блиско сродство со златниот фазан (C. pictus), дотолку што воведените населенија на овие две птици во Англија крвно се мешаат.

Научно име[уреди | уреди извор]

Научното име во чест на грофицата Сара Амхерст, сопруга на ерлот Вилијам Пит Амхерст, генрален управник на Бенгал, кој прв во 1828 г. испратил примерок од ова животно во Лондон.

Галерија[уреди | уреди извор]

Наводи[уреди | уреди извор]

Надворешни врски[уреди | уреди извор]