Димитрија Атанасов Поповски
Димитрија Атанасов Поповски ( 1927 во Кочанско — 1945 ) — македонски партизан, борец за слобода на Македонија и учесник во НОВ.[1]
Животопис[уреди | уреди извор]
Произлегува од сиромашно семејство. Се доселил во Скопје, каде го завршил основното училиште. Во септември 1944 година, стапил во вториот баталјон на Дванаесеттата македонска ударна бригада. Се истакнал како примерен и дисциплиниран борец. Бил учесник во сите борби против балистите и Германците, во околината на Скопје. На 13 ноември учествувал во борбите за неговото ослободување. Непосредно по ослободувањето на Скопје и Македонија, заминал на Косово каде учествувал во акциите за целосно разоружување на преостанатите балистички групи и поединци. Поради тешките напори на војната оболел од белодробна туберкулоза од што и починал.[1]