Диего Фалчинели

Од Википедија — слободната енциклопедија
Диего Фалчинели
Лични податоци
Роден на 26 јуни 1991(1991-06-26) (32 г.)
Роден во Маршано, Италија
Држава Италија Италија
Висина &100000000000001850000001,85 м[1]
Позиција напаѓач
Клупски податоци
Сегашен клуб Црвена ѕвезда Црвена ѕвезда
Број 16
Младинска кариера
????–2007 Понтевекио Понтевекио
2007–2008 →Интер Интер
Кариера*
Години Клуб Наст. (Гол.)
2008-2009 Понтевекио Понтевекио 32 (4)
2009-2018 Сасуоло Сасуоло 49 (4)
2010-2011 →Фолињо Фолињо 29 (5)
2011-2012 →Јуве Стабија Јуве Стабија 12 (1)
2012-2014 →Виртус Ланчано Виртус Ланчано 73 (9)
2014-2015 →Перуџа Перуџа 38 (14)
2016-2017 →Кротоне Кротоне 35 (13)
2018 →Фјорентина Фјорентина 12 (0)
2018- Болоња Болоња 16 (0)
2019-2020 →Перуџа Перуџа 25 (3)
2020- →Црвена ѕвезда Црвена ѕвезда 6 (4)
*Настапи и голови само на првенствени натпревари, според податок од 6 јануари 2011
‡ Настапи и голови за репрезентација, според податок од 17 ноември 2010

Диего Фалчинели (роден на 26 јуни 1991 во Маршано) — италијански фудбалер, напаѓач на Црвена Ѕвезда, на заем од Болоња.

Клупска кариера[уреди | уреди извор]

Почетоци[уреди | уреди извор]

Роден во Маршано во Провинцијата Перуџа, Фалчинели ја започнал својата кариера во малиот клуб Понтевекио со седиште во Понте Сан Џовани (фрекција на градот Перуџа). Тој бил позајмен на Интер во јуни 2007 година,[2] каде играл и го освоил Алиеви првенството со екипата под 17 години. По завршувањето на сезоната со младинскиот тим на Интер се вратил во Понтевекио каде дебитирал за првиот тим во Серија Д.

Сасуоло и разни заеми[уреди | уреди извор]

На 2 јули 2009 година, клубот од Серија Б Сасуоло го купува Фалчинели да игра за нивниот Примавера тим. Тој, исто така, го добил и дресот со број 26. во првиот тим. Тој веќе во првата сезона го направил своето деби за првиот тим на Сасуоло, влегувајќи во игра од клупата за резерви на местото на Џанлујџи Бјанко во 82-рата минута во ремито 2-2 против Анкона на 28 ноември 2009 година; во истиот натпревар тој му асистирал на Алесандро Носели за изедначувачкиот погодок само минута подоцна откако влегол во игра.[3] Тоа бил неговиот единствен настап за првиот тим таа сезона, по што за Фалчинели следеле неколку позајмици во други клубови со цел да добие повеќе простор за игра и да стекне искуство.

Откако бил позајмен на Фолињо, Јуве Стабија и две сезони едноподруго на Виртус Ланчано, во летото 2014 Фалчинели бил одново позајмен, овојпат враќајќи се дома во својата родна Перуџа да му помогне на истоимениот клуб, кој непосредно пред тоа изборил промоција во Серија Б.[4] Своето деби за Перуџа го направил на 17 август во Купот на Италија против ФералпиСало, и во тој натпревар го постигнал првиот гол за клубот; на 29-ти истиот месец, го постигнал првиот гол во првенството, во победата на домашен терен со 2-1 над Болоња.[5] Ова била најдобрата сезона во кариерата на Фалчинели дотогаш, постигнувајќи 14 првенствени гола и помагајќи му на клубот од неговиот роден град да стигне до плејофите за промоција во Серија А,[6] каде биле поразени од Пескара во преелиминарната рунда.

Одличната сезона во Умбрија, на Фалчинели му овозможила враќање на трајна основа во Сасуоло и можност за првпат во кариерата да заигра во Серија А. Својот прв настап за Сасуоло по пауза од речиси 4 години, го имал на 15 август 2015 година, во натпреварот против Модена во Купот на Италија во кој нероверде победиле со 2-0, а Фалчинели во 54-тата минута го постигнал својот прв гол во дресот на Сасуоло во кариерата.[7] На 23-ти истиот месец, тој го направил своето деби во Серија А, во победата со 2-1 над Наполи во првото коло од првенството, притоа асистирајќи му на Никола Сансоне за победничкиот гол на нероверде.[8] На 6 јануари 2016 година, дошол неговиот прв погодок во највисокото ниво на италијанскиот фудбал, постигнувајќи го израмнувачкиот гол за Сасуоло на петтнаесеттина минути пред крајот во ремито 2-2 на домашен терен против Фрозиноне.[9] Во 23 настапи и 2 постигнати гола придонел за освојувањето на историското шесто место во лигата на Сасуоло, најдобриот финиш на една сезона на неровердите во Серија А, што исто така им донело историски пласман во Лига Европа за следната сезона.

Сезоната 2016-2017 повторно ја започнал во дресот на Сасуоло, и го направил своето деби за сезоната а воедно и дебито во европските натпреварувања на 28 јули, појавувајќи се во игра како замена на местото на Грегуар Дефрел во 81-вата минута од натпреварот во третото квалификациско коло за Лигата на Европа на гости кај швајцарскиот Луцерн што завршил 1-1.[10]

На 31 август 2016 година, заедно со соиграчот Марчело Трота, биле позајмени на неодамна новопромовираниот член на Серија А Кротоне.[11] Своето деби за клубот од Калабрија го направил на 12 септември играјќи го целиот натпревар во поразот од Емполи на гости со 2-1. Својот прв погодок во дресот на Кротоне го постигнал во на 16 октомври против неговиот матичен клуб Сасуоло, во поразот со 2-1.[12]

По завршувањето на сезоната со Кротоне тој се вратил назад во Сасуоло, каде играл во првата половина од сезоната 2017-2018, постигнувајќи 2 гола на 19 настапи. На 31 јануари 2018 година, како дел од трансферот на Кума Бабакар во Сасуоло бил позајмен на Фјорентина со право на откуп на крајот на сезоната.[13]

Болоња и заемите кај Перуџа и Црвена Ѕвезда[уреди | уреди извор]

На 4 јули 2018, Фалчинели потпишал четиригодишен договор со Болоња.[14][15] Ниту ова искуство не се покажало како среќно за него бидејќи во најголемиот дел од сезоната тој бил во втор план кај тренерот Филипо Инѕаги, а потоа играл и уште поретко по тренерската промена и доаѓањето на Синиша Михајловиќ. Својот единствен гол за Емилијанците го постигнал на 4 декември 2018 година, во четвртото коло од Купот на Италија, против неговиот поранешен клуб Кротоне (3-0).[16]

Откако завршил на маргините во Болоња, пред почетокот на сезоната 2019-2020, тој со вратил на заем во Перуџа во Серија Б, враќајќи се за првпат во втората италијанска лига по пет години.[17][18] Овој пат тој не успеал да ги повтори својте перформанси од претходното искуство во Умбрија, постигнувајќи само 3 гола во првенството што завршува за црвено-белите со испаѓање по поразот во плеј-аутот.

По испаѓањето на Перуџа, Фалчинели се вратил во Болоња накратко, за на 11 септември 2020 година да замине на нова позајмица во српскиот клуб, Црвена Ѕвезда.[19]

Статистика на кариерата[уреди | уреди извор]

Статистиката е ажурирана на 4 ноември 2016.

Сезона Клуб Првенство Национален куп Континентален куп Останати купови Вкупно
Лига Наст Гол Лига Наст Гол Лига Наст Гол Лига Наст Гол Наст Гол
2008-2009 Италија Понтевекио Д 32 4 КИ-Д 0 0 - - - - - - 32 4
2009-2010 Италија Сасуоло Б 1 0 КИ 1 0 - - - - - - 2 0
2010-2011 Италија Фолињо 1Д 29+2[20] 5+1[20] КИ+КИ-ЛП 2+0 1 - - - - - - 33 7
2011-јан. 2012 Италија Сасуоло Б 3 0 КИ 1 0 - - - - - - 4 0
јан.-јун. 2012 Италија Јуве Стабија Б 12 1 КИ - - - - - - - - 12 1
јул.-авг. 2012 Италија Сасуоло Б 0 0 КИ 2 0 - - - - - - 2 0
авг. 2012-2013 Италија Виртус Ланачано Б 39 5 КИ - - - - - - - 39 5
2013-2014 Б 34 4 КИ 1 0 - - - - - - 35 4
Вкупно Ланчано 73 9 1 0 - - - - 74 9
2014-2015 Италија Перуџа Б 38+1[21] 14+0[21] КИ 3 1 - - - - - - 42 15
2015-2016 Италија Сасуоло А 23 2 КИ 2 1 - - - - - - 25 3
јул.-авг. 2016 А 1 0 КИ - - ЛЕ 4 0 - - - 5 0
авг. 2016-2017 Италија Кротоне А 35 13 КИ - - - - - - - - 35 13
2017-јан. 2018 Италија Сасуоло А 19 2 КИ 3 1 - - - - - - 22 3
Вкупно Сасуоло 47 4 9 2 4 0 - - 62 6
јан.-јун. 2018 Италија Фјорентина А 12 0 КИ - - - - - - - - 12 0
2018-2019 Италија Болоња А 16 0 КИ 2 1 - - - - - - 18 1
2019-2020 Италија Перуџа Б 24 3 КИ 2 0 - - - - - - 26 3
Вкупно Перуџа 62+1 17 5 1 - - - - 68 18
2020-2021 Србија Црвена Ѕвезда СЛ 6 4 КС 0 0 ЛШ+ЛЕ 1[22]+3[22] 0+2[22] - - - 10 6
Вкупно во кариерата 324+3 58 19 5 8 2 - - 345 65

Наводи[уреди | уреди извор]

  1. ↑ „Statistiche e profilo“. sassuolocalcio.it.[мртва врска]
  2. ↑ „Two new players for academy teams“. FC Internazionale Milano. inter.it. 29 June 2007. Архивирано од изворникот на 2012-10-11. Посетено на 19 October 2010.
  3. ↑ Imparato, Gaetano (29 November 2009). „Mastronunzio illude l' Ancona“. La Gazzetta dello Sport (италијански). Посетено на 19 October 2010.
  4. ↑ „Falcinelli è del Perugia“. acperugiacalcio.com. 11 јули 2014. Архивирано од изворникот на 2014-07-14. Посетено на 2016-12-01.
  5. ↑ Antonello Menconi (29 август 2014). „Serie B: Perugia-Bologna 2-1, gol di Verre, Falcinelli e Cacia“. gazzetta.it.
  6. ↑ Remo Gasperini (16 април 2015). „Il Perugia vola con Falcinelli: «I miei gol sono pieni d'amore»“. ilmessaggero.it. Архивирано од изворникот на 2015-05-27. Посетено на 2016-12-01.
  7. ↑ „Coppa Italia: Empoli e Frosinone fuori, avanti le altre 4 squadre di A“. gazzetta.it. 15 август 2015.
  8. ↑ Marco Barzizza (23 август 2015). „Sansone punisce il Napoli, che stecca la prima: a Sassuolo finisce 2-1“. eurosport.com.
  9. ↑ Armando Ossorio (6 јануари 2016). „Sassuolo-Frosinone 2-2: Falcinelli agguanta i ciociari“. repubblica.it.
  10. ↑ „Sassuolo, esordio positivo in Europa“. uefa.com. 28 јули 2016.
  11. ↑ „Benvenuti Diego Falcinelli e Marcello Trotta“. fccrotone.it. 31 август 2016.
  12. ↑ Max Cristina (16 октомври 2016). „Sassuolo-Crotone 2-1: Sensi e Iemmello ribaltano i calabresi, ai rossoblù non basta il gol da record di Falcinelli. Due traverse per parte“. sportmediaset.
  13. ↑ „Falcinelli è un nuovo calciatre viola“. 31 јануари 2018.
  14. ↑ „UFFICIALE: Bologna, preso l'attaccante Falcinelli dal Sassuolo“. Tutto Mercato Web (италијански). 4 July 2018. Посетено на 9 July 2018.
  15. ↑ Bologna F.C. 1909 (4 јули 2018). "Falcinelli al Bologna" (на it). Соопштение за печат.
  16. ↑ „Coppa Italia, il Bologna sfida la Juve agli ottavi“. 4 декември 2018.
  17. ↑ . 2 септември 2019 https://www.bolognafc.it/falcinelli-al-perugia/. Посетено на 10 септември 2020. Занемарен непознатиот параметар |titolo= (се препорачува |title=) (help); Отсутно или празно |title= (help)
  18. ↑ „Falcinelli è biancorosso“. 2 септември 2019.
  19. ↑ „Falčineli kroz „La casa de papel" promovisan u Zvezdi“. Sport Klub.
  20. ↑ 20,0 20,1 Плејаут.
  21. ↑ 21,0 21,1 Плејоф.
  22. ↑ 22,0 22,1 22,2 1 во квалификациите.

Надворешни врски[уреди | уреди извор]

Портал „Биографија“
Портал „Фудбал“
Портал „Италија“
Преземено од „https://mk.wikipedia.org/w/index.php?title=Диего_Фалчинели&oldid=5067987“