Диего Марадона

Од Википедија — слободната енциклопедија
Прејди на прегледникот Прејди на пребарувањето
Диего Марадона
Maradona 1986 vs italy.jpg
Марадона после постигнатиот гол против Италија на Светското првенство 1986 година во Мексико
Лични податоци
Полно име Диего Армандо Марадона[note 1]
Роден на 30 октомври 1960 (1960-10-30) (60 г.)
Роден во Ланус, Буенос Аирес, Аргентина
Починал на 25 ноември 2020(2020-11-25) (возр. 60)
Починал во Тигре, Буенос Аирес, Аргентина
Висина 1.65 m
Позиција Напад
[2][3][4][5]
Клупски податоци
Сегашен клуб Фуџаирах (менаџер)
Кариера*
Години Клуб Наст. (Гол.)
1976–1981 Аргентинос Џуниорс 167 (116)
1981–1982 Бока Џуниорс 40 (28)
1982–1984 Барселона 36 (22)
1984–1991 Наполи 188 (81)
1992–1993 Севиља 26 (5)
1993–1994 Њувелс Олд Бојс 5 (0)
1995–1997 Бока Џуниорс 30 (7)
Вкупно 491 (259)
Репрезентација
1977–1979 Аргентина 20 24 (13)
1977–1994 Аргентина 91 (34)
Раководител на екипите
1994 Мандиу де Кориентс
1995 Расинг Клуб
2008–2010 Аргентина
2011–2012 АЛ Васл
2017– Фуџаира[6]
  • Сениорските учества и голови се сметаат само за домашни натпревари.
† Учества (Голови).
Диего Армандо Марадона.

Диего Армандо Марадона (шпан. Diego Armando Maradona, роден 30 октомври 1960, Вила Фиорито, Буенос Аирес - 25 ноември 2020, Тигре, Буенос Аирес) — поранешен аргентински фудбалер и фудбалски тренер, светски првак од Мексико 1986 и еден од најдобрите и најпопуларни фудбалери на сите времиња.

Животопис[уреди | уреди извор]

Неговите родители биле Диего Марадона Постариот и Далма Салвадоре Франко. Неговиот прадедо од мајчина страна, Матео Кариолиќ, е роден на Корчула, Далмација (денес во Хрватска и емигрирал во Аргентина, каде е родена неговата баба Салвадора. Салвадора ја крстила својата ќерка Далма по хрватскиот регион (Далмација), по кого Марадона ја крстил неговата најстара ќерка. Марадона се оженил со неговата долгогодишна свршеница Клаудија Вилафане на 7 ноември 1989 во Буенос Аирес, и тоа по раѓањето на нивните ќерки, Далма Нереа и Џианина Динора. Во својата автобиографија, Марадона признава дека не ѝ бил секогаш верен на Клаудија, иако неа ја опишува како љубовта на неговиот живот.

Во Барселона, Марадона за првпат пробал кокаин. Тоа подоцна го образложил на следниот начин:

Ништо посебно. Сакав да се чувствувам поживо.

Во клубот сите се сомневале, но молчеле, бидејќи Марадона бил преголема инвестиција. Потоа, тој настапувал во ТВ реклами против дрогата, за што бил добро платен.

Марадона умрел утрото, на 25 ноември 2020 година, како последица на срцев удар. На почетокот на ноември, тој бил примен во болница, каде бил опериран поради излив на крв во мозокот. По излегувањето од болницата, тој закрепнувал во својот дом во Тигре, во близината на Буенос Аирес.[7] Веста за неговата смрт предизвикала бројни коментари ширум светот. Така, Лионел Меси напишал на инстаграм: „Многу тажен ден за Аргентинците и за за фудбалот. Тој нè остави, но не замина, зашто Диего е вечен.“ И Кристијано Роналдо ја искажал својата тага на социјалните мрежи, нарекувајќи го Марадона „вечен гениј“.[8]

Фудбалска кариера[уреди | уреди извор]

На 20 октомври 1976 година (10 дена пред неговиот 16-ти роденден), Диего го одиграл својот прв натпревар за сениорите на Аргентинос Јуниорс. Тогаш, тој станал најмладиот прволигашки фудбалер во историјата на аргентинскиот фудбал. Следната година го одиграл првиот натпревар за сениорската репрезентација на Аргентина. Сепак, во 1978 селекторот Луис Цесар Меноти не го зел во националната селекција на Аргентина за Светското првенство со образложение дека бил премлад за да го издржи притисокот. Во 1979 година, тој бил капитен на репрезентацијата на Аргентина која во Јапонија ја освоила титулата јуниорски првак на светот. Во тоа време, во Јувентус и ФК Барселона почнале да се распрашуваат за „малиот зелен“, како што го нарекувале, но, тие не биле единствени - во игра биле и Арсенал и Шефилд Јунајтед. Тие веднаш се повлекле откако ја слушнале почетната цена од 800 000 фунти, која во тоа време била прилично голема. Диего останал во Аргентина и во 1981 со клубот Боца Јуниорс ја освоил шампионската титулата на Аргентина. Една година подоцна, тој настапил на Светското првенство во Шпанија и потпишал за ФК Барселона. Во 1984 година, Марадона преминал во италијанскиот клуб ФК Наполи со кој освоил две титули првак на Италија (1987 и 1990), а во 1989 го освоил и Купот на УЕФА - првата европска титула на Наполи.

Врв на кариерата[уреди | уреди извор]

На Тринаесеттото светско првенство во Мексико (1986), Марадона бил двоен стрелец на натпреварите на Аргентина со Англија. И двата негови голови на тој натпревар останале запаметени во историјата на фудбалот; првиот гол, Диего подоцна го нарекол „Божја рака“, а вториот бил ремек-дело кое во повеќе избори се смета за најдобар гол на сите светски првенства. Тогаш, Марадона сам ја продриблал половината од англискиот тим и голманот Шилтон и постигнал гол. Англискиот коментатор рекол дека првиот гол со сигурност е нерегуларен бидејќи е постигнат со рака, но затоа вториот вреди за десет. На тоа првенство, Марадона ја довел Аргентина до титулата Првак на светот во драматичен двобој со репрезентацијата на Западна Германија (3:2). Три години подоцна, два месеци провел во Аргентина и не се појавил на почетокот на италијанското првенство. Побарал исписница од ФК Наполи поради трансфер, но неговото барање било одбиено. На Светското првенство во Италија (1990) аргентиската репрезентација, предводена од Марадона дошла до финалето, но била поразена од СР Германија со 1:0.

Тренерска кариера[уреди | уреди извор]

Во 1994 година, Марадона станал тренер на „Мандиу де Кориентес“, а една година подоцна го презел Расинг Клуб, а исто така бил тренер и на „Дорадос“ и „Гимназија“.[7] Во периодот 2008-2010 бил селектор на аргентиската фудбалска репрезентација, во периодот 2011–2012 бил тренер на ФК Ал Васл, а во 2017 година станал тренер на ФК Фуџаира.[6]

Наводи[уреди | уреди извор]

  1. „Profile: Diego Armando Maradona“. FC Barcelona. Посетено на 8 September 2015.
  2. Maradona tricks and skills videos of the best soccer, football players ever. Football-tricks.com. Retrieved 31 March 2013.
  3. Diego Maradona dominated 1986 World Cup after position switch – Jonathan Wilson – SI.com. Sportsillustrated.cnn.com (27 May 2010). Retrieved 31 March 2013.
  4. Diego Maradona: ‘The Soccer Guru’ Archived 2013-12-02 на Wayback Machine. The Viewspaper (25 June 2010). Retrieved 31 March 2013.
  5. Diego Maradona – Profile of Soccer Player Diego Maradona. Worldsoccer.about.com. Retrieved 31 March 2013.
  6. 6,0 6,1 https://www.independent.co.uk/sport/football/news-and-comment/diego-maradona-argentina-football-al-fujairah-coach-united-arab-emirates-a7723396.html
  7. 7,0 7,1 Daniel Edwards, „Football icon Diego Maradona dies at 60 following heart attack“ (пристапено на 25.11.2020)
  8. www.goal.com, 'Diego is eternal' - Messi pays tribute to Maradona after Argentine legend dies at 60 (пристапено на 25.11.2020)


Грешка во наводот: Има ознаки <ref> за група именувана како „note“, но нема соодветна ознака <references group="note"/>.