Децата на полноќта

Од Википедија — слободната енциклопедија
Прејди на прегледникот Прејди на пребарувањето

Децата на полноќта (англиски: Midnight's Children) - роман на индиско-англискиот писател Салман Ружди.

Содржина[уреди | уреди извор]

Романот се состои од три книги со по 8, 15 и 7 глави, соодветно.[1]

Изданија на македонски јазик[уреди | уреди извор]

Во 2013 година, романот бил објавен од издавачката куќа „Магор“, во рамките на библиотеката „Ѕвезди на светската книжевност“. Книгата е испечатена во печатницата „Пропоинт“ од Скопје, во тираж од 1.000 примероци, а печатењето било финансирано од владата на Македонија. Преводот од англиски јазик го направиле Бисера Банова и Марија Џонс, а автор на корицата е Кочо Фиданоски. Книгата, со обем од 574 страници и димензии од 20 сантиметри, е каталогизирана во НУБ „Св. Климент Охридски“ и ја носи меѓанародната ознака ISBN 978-608-223-156-3.[2]

Осврт кон делото[уреди | уреди извор]

Романот истовремено претставува семејна сага и зачудувачка евокација на Индија и нејзините жители - брилијантно олицетворение на универзалната човечка комедија. Чудесно епска, прозата на Ружди се распрснува во различни временски насоки, создавајќи моќни психолошки слики, аналитички политички панорами и незаборавни индивидуални судбини. „Децата на полноќта“ е епохално прозо дело кое во 2009 година било добитник на наградата „Најдоброто од Букер“, која била доделена по повод четириесетгодишнината од постоењето на наградата „Букер“.[3]

Наводи[уреди | уреди извор]

  1. Сламан Ружди, Децата на полноќта. Скопје: Магор, 2013.
  2. Сламан Ружди, Децата на полноќта. Скопје: Магор, 2013.
  3. Сламан Ружди, Децата на полноќта. Скопје: Магор, 2013.