Деспина Манаки
| Деспина Манаки Despa Manachia | |
|---|---|
 Деспина сликана со стара влашка носија. | |
| Роден(а) | 1791 Клисура, Егејска Македонија, Отоманско Царство |
| Починал(а) | 1911 (возр. 120) Авдела, Егејска Македонија, Отоманско Царство |
| Други имиња | Баба Деспина |
| Познат(а) по | Најстарата жена снимана. |
Деспина (Деспа) Манаки, позната и како Баба Деспина (влашки: Despa Manachia, грчки: Δέσπα Μανάκη; Клисура, 1791 — Авдела, 1911) — влашки платнар од село Клисура, Егејска Македонија. Баба на браќата Манаки, значајни пионери во развитокот на кинематографијата на Македонија. Прикажана во истоимениот домашен филм сниман во 1905 година од нејзините внуци. Според некои податоци, Деспина Манаки е најрано родената личност која била снимена со камера. Некои пак сметаат дека Деспина била родена во 1810-тите или 1820-тите.
Животопис
[уреди | уреди извор]Деспина Манаки најверојатно е родена во 1791 година во село Клисура, Костурско. Во тоа време Клисура било чисто влашко село. Поради непозната причина се преселила во Авдела, Гребенско. Авдела исто така било влашко село. Според некои истражувања Деспина е во сродство со Анастасиос Манакис, хеленизиран Влав од Мечовско и борец во Грчката војна на независноста.[1] Таа е мајка на Димитриос, таткото на Милтон и Јанаки Манаки. Нејзиното семејство биле клучни во селото за време на влашката преродба.[2] Нејзиниот син се приклучил во движењето како претставник на Романската пропаганда врз Власите.[3]
Во Баба Деспина
[уреди | уреди извор]Деспина Манаки е главниот лик во истоимениот домашен филм сниман во 1905 година од браќата Манаки, нејзините внуци. Го снимале филмот со камерата „Камера 300“ купена од Лондон, Велика Британија.[4] Филмот траел една минута и се смета за првиот филм снимен во Балканскиот полуостров. Според спомените на Милтон Манаки Деспина имала 114 години за време на снимањето.[5] Пред тоа била сликана со стара влашка носија.[6]
Смрт
[уреди | уреди извор]Деспина Манаки починала во 1911 година со 120 годишна возраст. Слики од нејзе се денес зачувани во Букурешт.[6]
Наводи
[уреди | уреди извор]- ↑ Beza Michael, Paul (2013). Destination Avdela 2012, Or, Back to the Future. A Pseudo-travelogue. FastPrint Publishing. стр. 102. ISBN 9781780357348.
- ↑ Historical Dictionary of the Republic of Macedonia, Historical Dictionaries of Europe, Dimitar Bechev, Scarecrow Press, 2009, ISBN 0810862956, p. 234.
- ↑ Christodoulou, Christos K., "The Manakis brothers, the Greek pioneers of the Balkan cinema", Organization for the Cultural Capital of Europe Thessaloniki 1997, p. 33.
- ↑ Петрушевска, Драгана (26 септември 2015). „Македонска бабичка можеби е најрано родената личност која била снимена со камера“. Факултети.
- ↑ Костов, Стојанче (2021). Визуелниот метод во етнокореолошките истражувања (PDF). Институт за фолклор „Марко Цепенков“. стр. 108.
- 1 2 Портрет Деспа Манаки, баба на Милтон и Јанаки