Делфт

Од Википедија — слободната енциклопедија
Прејди на прегледникот Прејди на пребарувањето
Делфт
Град и општина
Воздушен поглед на Делфт од лево на десно се гледаат три цркви, универзитетската кула и ветерница
Воздушен поглед на Делфт од лево на десно се гледаат три цркви, универзитетската кула и ветерница
Знаме на Делфт
Знаме
Грб на Делфт
Грб
Местоположба во Јужна Холандија
Местоположба во Јужна Холандија
Координати: 52°1′N 4°22′E / 52.017° СГШ; 4.367° ИГД / 52.017; 4.367Координати: 52°1′N 4°22′E / 52.017° СГШ; 4.367° ИГД / 52.017; 4.367
ДржаваХоландија
ПокраинаЈужна Холандија
Управа[1]
 • ОрганОпштински совет
 • ГрадоначаланикБас Веркерк (VVD)
Површина[2]
 • Вкупна24,06 км2 (929 ми2)
 • Земјишна22,82 км2 (881 ми2)
 • Вода1,24 км2 (48 ми2)
Надм. вис.[3]&100000000000000000000000 м
Население (мај 2014)[4]
 • Вкупно99.737
 • Густина4.371/км2 (11,320/ми2)
Часовен појасCET (UTC+1)
 • Лете (DST)CEST (UTC+2)
Поштенски број2600–2629
Повикувачки број015
Мреж. местоdelft.nl

Делфт (холандски: Delft) — град и општина во Холандија. Се наоѓа во покраината Јужна Холандија, северно од Ротердам и јужно од Хаг.

Делфт е познат по својот стар град со канали, производството на порцелан, Делфтскиот технички универзитет, сликарот Јоханес Вермер и научникот Антони ван Левенхук и поврзаноста со кралската оранска династија.

Историја[уреди | уреди извор]

Делфт настанал како населба на вештачки канал, по што го добил името (Delf, од Delven: „копање“). Грофот Вилем II му ги дал на Делфт сите градски права на 15 април 1246 година. Трговијата, занаетчиството и производството на пиво понатаму значително се развиле. Во 1389 година бил ископан канал со што градот бил поврзан со реката Мас, а со тоа и со Северното Море.

Сè до XVII век Делфт бил еден од најголемите градови во Холандија. Околу 1400 година Делфт имал околу 6.500 жители и бил трет град во Холандија, после Дордрехт (8.000) и Харлем (7.000).

Принцот Вилем Орански имал резиденција во Делфт, и тука загинал во атентат на 10 јули 1584 година. Погребан е во градската катедрала, а со тоа е започната традицијата на погребување на членовите на Оранската династија во Делфт.

Во експлозија на барут во 1654 година уништен е голем дел од градот и притоа загинале околу стотина граѓани.

Градот своето трговско значење го изгубил кон крајот на XVII век во корист на Хаг и Ротердам.

Денес, Делфт е туристичко одредиште со сочувани историски зданија.

Население[уреди | уреди извор]

По податоците од 2014 година, во градот живееле 99.737 жители.

Наводи[уреди | уреди извор]

  1. „Maak kennis met...“ [Meet...]. Burgermeester Verkerk (холандски). Gemeente Delft. конс. 18 јули 2013. 
  2. „Kerncijfers wijken en buurten“ [Key figures for neighbourhoods]. CBS Statline (холандски). Централна статистичка служба. 2 јули 2013. конс. 12 март 2014. 
  3. „Postcodetool for 2611GX“. Actueel Hoogtebestand Nederland (холандски). Het Waterschapshuis. конс. 18 јули 2013. 
  4. „Bevolkingsontwikkeling; regio per maand“ [Population growth; regions per month]. CBS Statline (холандски). Централна статистичка служба. 26 јуни 2014. конс. 24 јули 2014. 

Надворешни врски[уреди | уреди извор]