Девичка Река

Од Википедија — слободната енциклопедија
Прејди на прегледникот Прејди на пребарувањето
Девичка Река
Други имињаМала Река
Земја Македонија
Слив
Главен изворПесјак, кај с. Грешница, Порече
1.595 м
41°32′51″N 21°08′25″E / 41.54750° СГШ; 21.14028° ИГД / 41.54750; 21.14028
УстиеТреска, с. Девич, Порече
515 м
41°33′07″N 21°13′44″E / 41.55194° СГШ; 21.22889° ИГД / 41.55194; 21.22889
Вис. разлика1.080 м
Сливна повр.21,7 км2
Физички особености
Должина9,1 км

Девичка Река или Мала Рекарека во Поречието, западна Македонија, помала лева притока на Треска која ја прима спротиводно на 76,7 км од својот влив.[1] Извира на источните падини на планината Песјак на надморска височина од 1.595 м, се влива во Треска на 515 м кај селото Девич.

Физички особености[уреди | уреди извор]

Вкупната должина од изворот до вливот и изнесува 9,1 км,[1] а минималната должина е 8,0 км. Вкупниот пад помеѓу изворот и вливот е доста висок и изнесува 1.080 м а просечниот е исто така висок и изнесува 118,7. Вкупната должина на водоразделната линија и изнесува 19,5 км а сливот зафаќа 21,7 км2 или 1,1% од вкупната површина на сливот на реката Треска.[1]

Течение[уреди | уреди извор]

Реката извира меѓу врвите Седлар и Стари Говедарник на планината Песјак, западно од с. Грешница и северозашадно од с. Требино. Тече стрмно надолу под возвишенијата Црквиште и Долно Ќафе во североисточен правец и по Свештенички Рид свртува во југоисточен правец, одминувајќи го селото Грешница на север. Потоа реката стрмно се спушта продолжува под ридот Вртешка од десната страна и меѓу него и ридот Попец свртува на север, и веднаш потоа на исток. Тука ја прима реката Уча и продолжува во рамницата на с. Девич, поминува низ селото и потоа се влева во Треска, под возвишението Камениште од североисточна страна.

Долина[уреди | уреди извор]

Долината на Девичка Река е мошне стрмна. Во изворишниот дел е всечена во кристалести шкрилци и го пресекува појасот од плиоценски конгломерати и глини, а во долниот тек со тесни и кратки сатески се пробива низ доломитската зона.[1]

Поврзано[уреди | уреди извор]

Наводи[уреди | уреди извор]

  1. 1,0 1,1 1,2 1,3 Димитровска, Олгица. Основни хидрографски карактеристики на притоките на реката Треска. „Географски разгледи“ (Скопје: Македонско географско друштво) том  2012 (46): 37-49. ISSN 1409-908X. http://www.igeografija.mk/MGD/Razgledi-46-2012/03-Dimitrovska_Pritoki%20Treska.pdf. 

Координати: 41°33′07″N 21°13′44″E / 41.55194° СГШ; 21.22889° ИГД / 41.55194; 21.22889