Дебелн

Од Википедија — слободната енциклопедија
Дебелн
Градско собрание на Дебелн
Градско собрание на Дебелн
Градско собрание на Дебелн
Грб на Дебелн
Дебелн во рамките на Германија
Дебелн
Управа
Земја Германија
Покраина Саксонија
Округ Средна Саксонија
Градски единици 19
Градоначалник Ханс-Јоаким Егерер (ДХС)
Основни податоци
Површина 91,56 км2
Надм. височина 159−262 м
Население 23.467 (31 декември 2020)[1]
 - Густина 256 жит/км2
Други информации
Часовен појас CET/CEST (UTC+1/+2)
Рег. табл. FG
Пошт. бр. 04720
Повик. бр. 03431
Портал www.doebeln.de
Местоположба на градот Дебелн во рамките на округот Средна Саксонија
Карта
Карта
Координати 51°7′10″N 13°6′46″E / 51.11944° СГШ; 13.11278° ИГД / 51.11944; 13.11278Координати: 51°7′10″N 13°6′46″E / 51.11944° СГШ; 13.11278° ИГД / 51.11944; 13.11278

Дебелн (германски: Döbeln) — град во сојузната покраина Саксонија, Германија, дел од округот Средна Саксонија, кој се наоѓа на обата брега на реката Фрајбергер Мулде.

Географија[уреди | уреди извор]

Местоположба[уреди | уреди извор]

Дебелн се наоѓа во средишниот дел на Саксонија, недалеку од средината на триаголникот помеѓу саксонските метрополи Кемниц, Дрезден и Лајпциг. Покраинскиот главен град, Дрезден, е оддалечен околу 50 километри, Кемниц околу 40 километри, Лајпциг 70 километри и Берлин околу 200 километри. Дебелн има два автоматски излези на А14.

Соседни општини[уреди | уреди извор]

Општини со кои се граничи се Гросвајчен (Средна Саксонија), Чајц-Отевиг (Средна Саксонија), Ломач (Мајсен), Носен (Мајсен), градот Росвајн и Валдхајм (обата во Средна Саксонија).

Градски единици[уреди | уреди извор]

Дебелн се дели на традиционален стар град, чиј средиштен дел се наоѓа на остров во Мулде и е заобиколен од два ракави на Фрајбергер Мулде.

  • Градски делови
    • Дебелн-Ост
    • Дебелн-Норд
    • Гертиц
    • Гросбаухлиц со Клајнбаухлиц
    • Којерн
    • Мастен
    • Помлиц
    • Зермиц
    • Чаквиц

Покрај овие градски единици, градот ги опфаќа и следниве единици: Еберсбах, Техниц, Цигра и Мохау.

Историја[уреди | уреди извор]

Фонтана Шлегелбрунен (Schlegelbrunnen) со црквата Свети Никола во позадина

Бил основан во X век, првиот пишан доказ за неговото постоење е од годината 981 година.[2]

  • Околу 1220 година Дебелн официјално го добил статусот град.
  • 1293: Црквата Свети Никола била првпат спомената.
  • 1296: Замокот и градот биле окупирани од Адолф од Насау.
  • 1330: На 25 март била завршена градбата на манастирот.
  • 1333: Голем пожар го уништил целиот град.
  • 1360: Лордот Улман од Штаупиц го изградил замокот Рајхенштајн.
  • 1429: Грабеж на градот и уништување на замокот од Хуситите.
  • 1450: Дебелн е нападнат од Бохемијците, притоа уништувајќи го замокот. Потоа, на замокот му опаднала значајноста. Во 1567 година бил споменат како „напуштена палата“ и потоа користен за најразлични цели.
  • 1637: Нападнат од Швеѓаните.
  • 1730: Уште еде сериозен пожар го погодил градот. Како последица на тоа, остатоците на замокот биле користени како градежен материјал за обнова. Во овој пожар, 266 сопственици и 400 потстанари ги загубиле нивните домови.
  • Во текот на Седумгодишната војна, имало битка помеѓу Прусите и Австријците. На 12 мај 1762 година, трупите на принцот Хајнрих од Прусија ги поразил австриските војници и зел затвореници, вклучувајќи го генералот Фон Цетвиц.
  • 1754-1810 Дебелн е гарнизон на пешадиската дивизија Лубомирски.
  • 1847 Дебелн бил поврзан со железница од Риза. Во 1857 година линијата била продолжена до Кемниц. Во 1868 година отворена е линијата Дрезден-Дебелн-Лајпциг.
  • 1945 Градот бил окупиран од советската армија без да биде испукан ниеден куршум.

Сообраќај[уреди | уреди извор]

Главната железничка станица Дебелн е на железничките линии Борсдорф-Косвиг и Риза-Хемниц.

Има две врски со автопатот А14.

Дебелн ја поседува последната преостаната линија на трамвај влечена од коњи во Германија, во форма на трамвајот во Дебелн. Оваа линија, потекнува од периодот 1892-1926 година и била повторно отворена во 2007 година.

Збратимени градови[уреди | уреди извор]

Дебелн е збратимен со следниве градови:

Наводи[уреди | уреди извор]

  1. „Тековно население по општини во 2020 г.“. Статистичка служба на Саксонија. јуни 2020. (германски)
  2. MGH DD Otto II. 195. Digitalisat: http://mdz10.bib-bvb.de/~db/bsb00000443/images/index.html?id=00000443&no=1&seite=225[мртва врска]

Надворешни врски[уреди | уреди извор]