Дворец Планалто
| Дворец Планалто | |
|---|---|
 | |
 | |
| Општи податоци | |
| Вид | претседателска палата |
| Место | Бразилија, Бразил |
| Завршена | 21 април 1960 |
| Проектирање и изградба | |
| Архитект | Оскар Нимаер |
Дворец Планалто (португалски: Palácio do Planalto) — дворец во кој што е сместено официјалното работно место и кабинетот на претседателот на Бразил. Се наоѓа во главниот град Бразилија. Зградата е дизајнирана од архитектот Оскар Нимаер и свечено е отворено на 21 април 1960 година. Тука се сместени кабинетот и работните простории на секој бразилски претседател почнувајќи од Јуселино Кубичек до денес. Се наоѓа на Плоштадот на трите сили, источно од зградата на Националниот конгрес и спроти Врховниот федерален суд.
Таа е една од официјалните палати на Претседателството, заедно со дворецот Алворада, официјалната резиденција. Покрај претседателот, неколку високи советници исто така имаат канцеларии во Дворецот Планалто вклучувајќи го и потпретседателот и началникот на Генералштабот; другите министерства се поставуваат долж централната авенија наречена Монументална оска. Како седиште на владата, поимот Планалто често се користи како метоним за извршната власт на федералната влада на Бразил.
Наречен е по Бразилската Висорамина (Planalto Brasileiro).