Прејди на содржината

Дани Мусовски

Од Википедија — слободната енциклопедија
Дани Мусовски
Лични податоци
Полно име Даниел Мусовски
Роден на 30 ноември 1995(1995-11-30) (30 г.)
Роден во Хендерсон, САД
Држава САД САД
Македонија Македонија (од 2026)
Висина &100000000000001830000001,83 м
Позиција напаѓач
Клупски податоци
Сегашен клуб Сиетл Саундерс Сиетл Саундерс
Број 19
Младинска кариера
2014-2017 УНЛВ Ребелс
Кариера*
Години Клуб Наст. (Гол.)
2018 Сан Хосе Ертквејкс Сан Хосе Ертквејкс 0 (0)
2018-2019 Рино 1868 Рино 1868 40 (16)
2020-2022 ФК Лос Анџелес ФК Лос Анџелес 53 (11)
2021-2022 →Лас Вегас Лајтс Лас Вегас Лајтс 15 (5)
2022-2023 Реал Солт Лејк Реал Солт Лејк 23 (5)
2024- Сиетл Саундерс Сиетл Саундерс 63 (17)
Репрезентација
2026- Македонија Македонија 2 (0)

Даниел „Дани“ Мусовски (роден на 30 ноември 1995 година, во Хендерсон) — американскo-македонски фудбалер, напаѓач на Сиетл Саундерс и на македонската репрезентација.

Биографија

[уреди | уреди извор]

Мусовски е роден во Хендерсон, Невада, од родители со македонско потекло од околината на Прилеп.[1]

Во април 2025 година, тој се верил со својата девојка Ники Класен.[2]

Клупска кариера

[уреди | уреди извор]

На 10 јануари 2018 година, Мусовски бил избран како вкупно 30-ти пик на МЛС Супердрафтот 2018 од Сан Хосе Ертквејкс.[3][4] Тој потпишал договор со клубот на 1 март 2018 година и веднаш бил позајмен на филијалата на Сан Хозе во УСЛ лигата, Рино 1868, заедно со соиграчот исто така избран на Супердрафтот, Мохамед Тиао.[5] Своето деби како професионалец, Мусовски го имал влегувајќи како замена во второто полувреме на местото на Крис Вехан во поразот на Рино со 4–3 од Свуп Парк Ренџерс на 17 март 2018 година.[6] Својот прв професионален гол го постигнал веќе во својот втор настап на 24 март 2018 година, во ремито 1–1 против Лас Вегас Лајтс, натпревар во кој подоцна бил исклучен.[7][8] Мусовски бил отпуштен од Сан Хосе по завршувањето на сезоната 2018.[9]

На 17 јануари 2019 година, Мусовски трајно му се приклучил на Рино 1868, каде на 23 натпревари постигнал 11 гола во УСЛ.[10]

На 10 декември 2019 година, Мусовски потпишал договор со ФК Лос Анџелес, со што добил нова шанса да игра во МЛС.[11] Тој го имал своето деби за клубот на 13 јули 2020 година, во натпревар против Хјустон Дајнамо во рамките на „МЛС се враќа“ турнирот влегувајќи како замена за Адама Диоманде во 79-тата минута. На 2 септември 2020 година, Мусовски го постигнал својот прв гол за Лос Анџелес во победата од 5–1 над неговиот поранешен клуб Сан Хосе Ертквејкс. На 11 октомври 2020 година, Мусовски постигнал два гола во победата од 3–1 над Сиетл Саундерс.

Во јуни 2021, Мусовски заедно со уште 4 играчи на Лос Анџелес бил позајмен во Лас Вегас Лајтс. Својот прв гол за клубот го постигнал во поразот со 3-1 од Сакраменто Репаблик во УСЛ. Откако во текот на летото одиграл 12 натпревари и постигнал 5 гола за Лајтс, тој се вратил во Лос Анџелес каде ја пренесол добрата форма постигнувајќи 4 гола до крајот на сезоната.

Својот прв гол во МЛС во сезоната 2022, Мусовски го постигнал на 24 април, кога влегувајќи од клупата за резерви во 72-рата минута само седум минути подоцна го постигнал победничкиот погодок за Лос Анџлес во гостинската победа со 1-2 над Синсинати. На 30 јуни 2022, го постигнал вториот гол за сезоната во победата со 3-1 над Далас. На 3 август 2022 година, Мусовски бил продаден на Реал Солт Лејк во замена за 250.000 долари од парите за општа распределба.[12] Првиот гол за новиот клуб го постигнал на 21 мај 2023, во победата со 2-3 на гости против Колорадо Рапидс. Откако во сезоната 2023 одиграл 24 натпревари во МЛС и постигнал 5 гола, неговата опција за продолжување на договорот била одбиена од клубот на крајот од сезоната 2023; според Мусовски, преговорите за обнова на договорот пропаднале, затоа што тој се повредил и не играл на неколку натпревари во втората половина од сезоната.[13]

На 1 февруари 2024 година, Мусовски како слободен играч потпишал за Сиетл Саундерс.[14] Во својата прва сезона, Мусовски најчесто бил трета опција во нападот зад Раул Руидијас и Џордан Морис и најчесто бил користен како замена од клупата, постигнувајќи само еден гол (против Ертквејкс во поразот со 3-2) во 24 натпревари во МЛС. Исто така, постигнал еден гол и во купот против Луисвил Сити. Следната сезона била најдобрата во кариерата на Мусовски; откако Руидијас го напуштил клубот, а Морис го измачувале повреди, тој ја добил битката со новото засилување Хесус Фереира изборувајќи се за местото стартен напаѓач на Саундерс.[15] Својот прв гол во 2025 го постигнал во победата со 0-1 на гости против Далас. Погодокот го означил почетокот на една импресивна серија од пет натпревари по ред во кои постигнувал гол,[16] станувајќи само четвртиот играч во историјата на клубот кој го сторил тоа по Обафеми Мартинс, Фреди Монтеро и веќеспоменатиот Руидијас.[17]

Репрезентативна кариера

[уреди | уреди извор]

Откако во фервуари 2026, Мусовски прифатил да игра за македонската репрезентација,[18] следниот месец, тој официјално бил повикан за плејоф натпреварите од квалификациите за Светското првенство 2026.[19] Своето деби го направил на 26 март 2026, во поразот со 4-0 од Данска во Копенхаген, влегувајќи од клупата за резерви на местото на Елмин Растодер во 77-мата минута.[20]

Хронологија на репрезентативните настапи

[уреди | уреди извор]
Хронологија на настапи и постигнати голови за националната селекција ― Македонија
Дата Град Домашни Резултат Гости Натпреварување Голови Инфо Детали
26-3-2026КопенхагенДанска Данска4 – 0Македонија МакедонијаКвал. за СП 2026-влегол во игра 77'
31-3-2026ДаблинИрска Ирска0 – 0Македонија МакедонијаПријателска-влегол во игра 46'
Вкупно Настапи 2 Голови 0

Титули

[уреди | уреди извор]

САД Сиетл Саундерс

[уреди | уреди извор]
2025

Наводи

[уреди | уреди извор]
  1. ↑ „Голгетер од МЛС ќе игра за Македонија?“. kajgana.com. 16 октомври 2020. Посетено на 10 септември 2025.
  2. ↑ Oshan, Jeremiah (April 20, 2025). „Danny Musovski enjoying quite the moment“. Sounder at Heart. Посетено на May 11, 2025.
  3. ↑ „FC Tucson standouts Musovski & Bakero make the majors, soccer style“. Tucson Sentinel. January 19, 2018. Посетено на March 1, 2018.
  4. ↑ „Quakes Select Paul Marie, Danny Musovski and Mohamed Thiaw in 2018 MLS SuperDraft“. San Jose Earthquakes. January 10, 2018. Архивирано од изворникот на March 2, 2018. Посетено на March 1, 2018.
  5. ↑ „NEWS: Earthquakes sign two MLS SuperDraft selections“. San Jose Earthquakes. March 1, 2018. Посетено на March 1, 2018.
  6. ↑ „Reno 1868 FC vs Swope Park Rangers“. United Soccer League. March 17, 2018. Архивирано од изворникот на March 19, 2018. Посетено на March 19, 2018.
  7. ↑ Reno 1868 FC [@Reno1868FC] (March 25, 2018). „"28' - GOOOOOOOOOOOALLLLLLL! Welcome back to Vegas @dmusovski! We are TIED at 1-1! #AllForOurCity - #SilverStateCup“ (Tweet). Посетено на April 25, 2020 – преку Twitter.
  8. ↑ Reno 1868 FC [@Reno1868FC] (March 25, 2018). „"73' - RED CARD issued to Danny Musovski after picking up a second yellow. We are down to 10-men. Still 1-1 here in Vegas. #AllForOurCity - #SilverStateCup“ (Tweet). Посетено на April 25, 2020 – преку Twitter.
  9. ↑ „NEWS: Earthquakes Announce Roster Moves Ahead of 2019 MLS Season“. sjearthquakes.com. San Jose Earthquakes. November 29, 2018. Посетено на April 25, 2020.
  10. ↑ „1868 FC Signs Musovski After Prior Loan Stint“. uslchampionship.com. USL Championship. January 17, 2019. Посетено на April 25, 2020.
  11. ↑ „LAFC Signs Danny Musovski“. LAFC.com. Los Angeles FC. December 10, 2019. Посетено на December 10, 2019.
  12. ↑ „Danny "The Moose" Musovski Joins RSL | Real Salt Lake“.
  13. ↑ Holt, Chandler (November 28, 2023). „What Exactly Happened Between Danny Musovski And RSL?“. KSL.com. Посетено на February 1, 2024.
  14. ↑ Seattle Sounders FC (1 февруари 2024). "Sounders FC signs free agent attacker Danny Musovski". Соопштение за печат.  посет. 1 февруари 2024 г
  15. ↑ Evans, Jayda (April 22, 2025). „Sounders' Danny Musovski has seized the moment. Will he keep a starting spot?“. The Seattle Times. Посетено на May 11, 2025.
  16. ↑ „Musovski scores for 5th game in a row, Sounders beat Dynamo“ (англиски). TSN. 10 мај 2025. Посетено на 13 април 2026.
  17. ↑ „Moose is Loose! Danny Musovski joins elite Seattle Sounders company“ (англиски). MLS. 11 мај 2025. Посетено на 13 април 2026.
  18. ↑ „Мусовски ќе игра за Македонија: Возбуден сум што ќе го носам овој дрес!“. ekipa.mk. 11 февруари 2026. Посетено на 13 април 2026.
  19. ↑ „Седлоски го соопшти списокот за бараж мечевите за пласман на СП“. ФФМ. 16 март 2026. Посетено на 13 април 2026.
  20. ↑ „Данска ја елиминира Македонија со 4-0, крај на мундијалските надежи“. А1он. 26 март 2026. Посетено на 13 април 2026.

Надворешни врски

[уреди | уреди извор]
Преземено од „https://mk.wikipedia.org/w/index.php?title=Дани_Мусовски&oldid=5538471“