Дамски гамбит (минисерија)
| Дамски гамбит | |
|---|---|
 Плакатот на македонски јазик | |
| Жанр |
|
| Создадена од | |
| Напишана од | Скот Френк |
| Режирана од | Скот Френк |
| Улоги | |
| Композитор(и) | Карлос Рафаел Ривера |
| Земја на потекло |  САД |
| Првичен јазик |
|
| Бр. на епизоди | 7 |
| Производство | |
| Извршен продуцент | Вилијам Хорберг
|
| Продуцент |
|
| Кинематографија | Стивен Мизлер |
| Монтажа | Мишел Тесоро |
| Времетраење | 46 — 67 минути |
| Продукциска куќа |
|
| Прикажување | |
| Првична мрежа | Netflix |
| Првично прикажување | 23 октомври 2020 |
Дамски гамбит (англиски: The Queen’s Gambit) — американска драмска минисерија заснована на истоимениот роман на Волтер Тевис. Создадена е од Скот Френк и Алан Скот за Нетфликс. Премиерата била на Нетфликс на 23 октомври 2020 г. Проектот станал најпопуларната минисерија во историјата на Нетфликс: 62 милиони луѓе ја гледале во првите четири недели.[1] Серијата заработила сеопшто признание од критичарите за изведбата на главниот лик изигран од Ања Тејлор-Џој, како и за снимателската работа и висококвалитетното производство. Исто така, добила потврдни одзиви од шаховската заедница и е заслужена за оживување на јавниот интерес кон играта.[2][3]
Содржина
[уреди | уреди извор]Дамски гамбит го следи животот на едно сираче што е шаховско чудо, Елизабет Хармон, за време на нејзината потрага да стане елитна шахистка додека се бори со емоционални проблеми и зависност од дрога и алкохол. Насловот на серијата се однесува на истоимениот шаховски отвор. Приказната е сместена во средината на 1950-тите и 1960-тите.[4]
Приказната започнува во Лексингтон, каде што деветгодишната Бет, која ја изгубила мајка си во сообраќајка, е однесена во сиропиталиште. Настојникот на зградата, г. Шајбел, ја учи Бет на шах. Како што било вообичаено во 1950-тите, сиропиталиштето им дава на девојчињата дневни средства за смирување, од кои Бет станува зависна. Благодарение на замислувањето на шаховска табла на таванот и со ефект на седативи, Бет брзо станува добра шахистка. Случката со апчиња ја оддалечува Бет од таблата некое време.[5][6] Неколку години подоцна, Бет е посвоена од Алма Витли и нејзиниот сопруг од Лексингтон. Како што се прилагодува на нејзиниот нов дом, Бет влегува на шаховски турнир и победува и покрај тоа што нема претходно искуство во натпреварувачки шах. Таа развива пријателства со неколку луѓе, вклучувајќи го и поранешниот шампион на државата Кентаки, Хари Белтик; надареното, но надмено дете чудо, Бени Вотс; и новинарот, фотограф и колега играч, Ди-Ел Таунс. Како што Бет продолжува да победува игри и да ги користи финансиските придобивки од нејзиниот успех, нејзината зависност расте...
Наводи
[уреди | уреди извор]- ↑ „"Ход королевы" стал самым популярным мини-сериалом в истории Netflix“. ТАСС (руски). Архивирано од изворникот 2021-01-25. Посетено на 2020-11-24.
- ↑ Rosen, Christopher (2020-11-23). „The Queen's Gambit Has Everyone Buying Chess Boards“. Vanity Fair (англиски). Архивирано од изворникот 2020-11-23. Посетено на 2021-01-18.
- ↑ Allebest, Erik (2020-11-22). „Incredible Second Wave of Interest in Chess“. Chess.com (англиски). Архивирано од изворникот 2020-11-22. Посетено на 2021-01-18.
- ↑ Netflix Media Center (19 март 2019). "NETFLIX ORDERS LIMITED SERIES THE QUEEN'S GAMBIT FROM SCOTT FRANK". Соопштение за печат.
- ↑ Miller, Matt (November 11, 2020). „What Exactly Are Those Green Pills in The Queen's Gambit?“. Esquire. Архивирано од изворникот November 15, 2020. Посетено на November 27, 2020.
- ↑ Park, Andrea (November 3, 2020). „What Are the Green Pills Beth Takes In 'The Queen's Gambit'?“. Marie Claire. Архивирано од изворникот November 4, 2020. Посетено на December 1, 2020.
