Гудисон парк
| Гудисон парк Goodison Park | |
|---|---|
| Големата стара дама | |
.jpg) | |
| Држава |  Англија |
| Место | Ливерпул |
| Отворен | 1892 |
| Сопственик |  Евертон |
| Гледачи | 39.414 |
| Подлога | хибридна трева |
| Димензии | 1000,49 × 68 м |
| Игра | Евертон (1892-денес) |
Гудисон парк (англиски: Goodison Park) — фудбалски стадион во Ливерпул, Англија. Стадионот е дом на ФК Евертон уште од неговата изградба во 1892 година и е еден од првите наменски изградени фудбалски стадиони во светот. Се наоѓа во станбена населба со редовни железнички и автобуски линии, на три километри од средиштето на Ливерпул.
Од неговата изградба во 1892 година, стадионот претрпел многу промени низ својата историја и денес има капацитет од 40.157 седишта. Навивачите на Евертон го нарекуваат стадионот „Голема стара дама“ (). Се состои од четири трибини: Гудисон роуд, Гледис стрит, Баланс роуд и Парк енд.
Покрај натпреварите на Евертон, стадионот бил домаќин и на финалето на ФА купот во 1894 година и на голем број меѓународни натпревари, вклучувајќи пет натпревари на Светското првенство во фудбал во 1966 година. Стадионот го држел рекордот за најголема посетеност на натпревар во женски фудбал од 1920 година, рекорд кој бил срушен дури на 31 јули 2012 година на Вембли за време на Летните олимписки игри .
Историја
[уреди | уреди извор]Евертон првично играл на отворен терен југоисточно од новоизградениот Стенли парк, каде што нивниот прв официјален натпревар бил одигран во 1879 година. Од 1882 година играле на Приори роуд, а во 1884 година се преселиле на Енфилд, кој во 1892 година бил преземен од новооснованиот Ливерпул.
Гудисон парк официјално бил отворен на 24 август 1892 година, кога 12.000 луѓе гледале краток атлетски настан, проследен со музичка свеченост и огномет. Првиот натпревар се одиграл на 2 септември истата година, кога Евертон и Болтон вондерерс се сретнале во пријателски натпревар, при што Евертон победил со 4–2. Првиот натпревар од лигата се одиграл на 3 септември против Нотингем форест (2–2), а првиот натпреварувачки гол на стадионот го постигнал Хорас Пајк од Форест.
Стадионот го добил името Гудисон парк бидејќи бил изграден по должината на патот Гудисон, именуван по градежниот инженер Џорџ Гудисон.[1]
Натпревари од Светското првенство во 1966
[уреди | уреди извор]На Светското првенство во 1966 година, стадионот бил домаќин на три натпревари од групната фаза, како и по еден четвртфинален и еден полуфинален натпревар.
| Датум | Време | 1. Тим | Резултат | 2. Тим | Круг | Гледачи |
|---|---|---|---|---|---|---|
| 12 јули 1966 | 19:30 |  Бразил |
2 – 0 |  Бугарија |
Група А | 48.000 |
| 15 јули 1966 | 19:30 |  Унгарија |
3 – 1 | Бразил |
Група Е | 52.000 |
| 19 јули 1966 | 19:30 |  Португалија |
3 – 1 | Бразил |
Група Б | 62.000 |
| 23 јули 1966 | 15:00 часот | Португалија |
5 – 3 |  Северна Кореја |
Четвртфинале | 51.780 |
| 25 јули 1966 | 19:30 |  Западна Германија |
2 – 1 |  Советски Сојуз |
Полуфинале | 39.840 |
Посети
[уреди | уреди извор]
Највисоката просечна посетеност во историјата на клубот била 51.603 (1962–63), додека најниската била 13.230 (1892–93), првата сезона на „Гудисон парк“.[2]
Петте најголеми посети на Гудисон парк се:
| Датум | Натпреварување | Противник | Гледачи |
|---|---|---|---|
| 18 септември 1948 | Премиер лига | Ливерпул | 78.299 |
| 14 февруари 1953 | ФА куп | Манчестер јунајтед | 77.920 |
| 28 август 1954 | Премиер лига | Престон норт енд | 76.839 |
| 29 јануари 1958 | ФА куп | Блекбурн роверс | 75.818 |
| 27 декември 1954 | Премиер лига | Вулверхемптон вондерерс | 75.322 |
Извор: [3]
Петте најслаби посети на Гудисон парк се:
| Датум | Натпреварување | Противник | Гледачи |
|---|---|---|---|
| 20 декември 1998 | Симод куп | Милвол | 3.703 |
| 1 октомври 1991 | Системи за податоци „Зенит“ | Олдам | 4.588 |
| 22 јануари 1991 | Системи за податоци „Зенит“ | Сандерленд | 4.609 |
| 16 февруари 1988 | Симод куп | Лутон Таун | 5.204 |
| 28 февруари 1989 | Симод куп | Квинс Парк ренџерс | 7.072 |
Извори: [4]
Наводи
[уреди | уреди извор]- ↑ And If You Know Your History Архивирано на 9 јануари 2011 г., www.toffeeweb.com
- ↑ And If You Know Your History Архивирано на 9 јануари 2011 г., www.toffeeweb.com
- ↑ And If You Know Your History Архивирано на 9 јануари 2011 г., www.toffeeweb.com
- ↑ And If You Know Your History Архивирано на 9 јануари 2011 г., www.toffeeweb.com
Надворешни врски
[уреди | уреди извор]
Гудисон парк на Ризницата ?53°26′20″N 2°57′59″W / 53.438888888889°N 2.9663888888889°W- Goodison Park at StadiumDB.com
- Goodison Park at The Everton Collection
- Goodison Park at TripAdvisor
