Гропино

Од Википедија — слободната енциклопедија
Прејди на прегледникот Прејди на пребарувањето
Гропино
Δάφνη
Гропино is located in Грција
Гропино
Гропино
Местоположба во областа
Гропино is located in Вртикоп (општина)
Гропино
Местоположба на Гропино во општината Вртикоп и областа Централна Македонија
Координати: 40°46′N 22°14′E / 40.767° СГШ; 22.233° ИГД / 40.767; 22.233Координати: 40°46′N 22°14′E / 40.767° СГШ; 22.233° ИГД / 40.767; 22.233
ЗемјаГрција
ОбластЦентрална Македонија
ОкругПостол
ОпштинаВртикоп
Општ. единицаВртикоп
Надм. вис.&1000000000000001500000015 м
Население (2011)[1]
 • Вкупно679
Часовен појасEET (UTC+2)
 • Лете (DST)EEST (UTC+3)

Гропино (грчки: Δάφνη, Дафни; до 1926 година: Γρόπινο, Гропино; книжевно: Γρόπινον, Гропинон[2]; до 1957 година: Βαλτολίβαδο, Валтоливадо; книжевно: Βαλτολίβαδον, Валоливадон[3]) — село во Пазарско, Егејска Македонија, дел од денешната Општина Вртикоп, во Централна Македонија, Грција.

Географија и местоположба[уреди | уреди извор]

Селото се наоѓа западно од градот Пазар, во непосредна близина на селата Свети Ѓорѓи, Кара Хамза и Колибите, на надморска височина од 15 метри.[4]

Сместено е на 22 километри југоисточно од градот Воден и на 6 километри источно од општинското средиште Вртикоп.

Историја[уреди | уреди извор]

До 1924 година, селото Гропино било населено со македонско население.[4]

Појавата на маларија и четничката активност пред Балканските војни биле причина за намалувањето на бројот на неговите жители. По 1924 година, грчките власти населиле 133 бегалци.[4]

Во 1926 година, селото било преименувано во Валтоливадо (Βαλτολίβαδο).[5]

Во 1928 година, Гропино претставувало чиста бегалска населба со 28 бегалски семејства и 120 жители.[6] По исушувањето на Ениџевардарското Блато во 1935 година, новосоздадените земјишта им биле поделени на нови бегалски семејства од Понд и Мала Азија, поради што бројот на жители во селото уште повеќе се зголемил.

Во 1957 година, селото било повторно преименувано, овој пат во Дафни (Δάφνη).

Стопанство[уреди | уреди извор]

Селото е многу богато, земјиштето се наводнува, главни производи се овошје (праски и јаболка), памук и жито. Се одгледуваат и млечни крави.[4]

Население[уреди | уреди извор]

Според статистиката на Васил К’нчов („Македонија. Етнографија и статистика“) во 1900 година, Групиново (Гропино) имало 224 жители Македонци.[4][7] По податоци на секретарот на Бугарската егзархија, Димитар Мишев („La Macédoine et sa Population Chrétienne“) во 1905 година во Гропино (Gropino) имало 208 Македонци.[8]

Со појавата на маларијата и четничката активност, населението во селото се намалило и во пописот од 1913 година броело само 79, а во 1920 година само 15 жители. Во 1924 година, грчките власти тука населиле 133 бегалски жители, така што во 1928 година селото имало 143 жители. По исушувањето на Ениџевардарското Блато (1935 година), тука биле населени поголем број на бегалски семејства од Понд и Мала Азија, кои добиле ново земјиште од исушеното блато. Така, селото во 1940 година се зголемило на 475 жители, во 1951 година имало 562, во 1961 година 588, во 1971 година 519, во 1981 година 663, а во 1991 година 700 жители.[4]

Во пописот спроведен во 2001 година, селото било попишано со 667 жители. Во најновиот спроведен попис од 2011 година во Грција, селото било забележано со 679 жители.

Еве преглед на населението во сите пописни години, од 1940 г. до денес:

Година 1940 1951 1961 1971 1981 1991 2001 2011
Население 475 562 588 519 663 700 667 679
Извор за 1940-1991 г.: Т. Симовски, Населените места во Егејска Македонија

Самоуправа и политика[уреди | уреди извор]

Селото припаѓа на општинската единица Вртикоп со седиште во истоимениот град, која припаѓа на поголемата општина Вртикоп, во округот Постол. Воедно, селото е дел од општинскиот оддел Гропино , во кој е единствено село.

Наводи[уреди | уреди извор]

Белешки[уреди | уреди извор]