Гробишта (Собри)

Гробишта — археолошко наоѓалиште во валандовското село Собри. Претставува некропола од железното време. Се наоѓа на 1,5 км источно од селото, над десниот брег на Анска Река, на една коса тераса, со пад од север кон југ, каде се забележуваат многубројни големи монолитни плочи со димензии од 2,20 × 0,80 м. Под плочите се оцртуваат конструкции на гробови од типот цисти. Целиот терен е обраснат со ниска густа вегетација која го отежнува движењето меѓу гробовите.

Поврзано

• Голема Црква — средновековна црква и некропола;
• Бела Чешма — некропола од железно време;
• Собри;
• Список на археолошки наоѓалишта во Валандовско;