Григор Георгиев

Од Википедија — слободната енциклопедија
Прејди на прегледникот Прејди на пребарувањето
Grigor Bucheshki.jpg
Роден 1889
Бучиште, Пробиштипско, Македонија
Починал 19 април 1923

Григор Георгиев, познат како Григор Бучишки, бил македонски револуционер, учесник во македонското револуционерно движење и деец на Внатрешната македонска револуционерна организација.

Биографија[уреди | уреди извор]

Роден во пробиштипското село Бучиште. Влегува во ВМРО. При избувнувањето на Балканската војна во 1912 година е доброволец во Македонско-одринското ополчение и служи четата на Славчо Абазов и при 15 штипска дружина. Во Меѓусојузничката војна е во здружената партизанска чета и е повреден на 5 јуни 1913 година. Носител е на орден "За храброст" IV степен. [1]

По 1919 година се вклучува во создавањето на ВМРО во Кратовско. Загинува на 19 април 1923 година заедно со Туше од Бунеш, Саздо Гочев и Пано од Неокази и Лазар Станишков и Николчо Иванов од Нежилово. [2]

Наводи[уреди | уреди извор]

  1. „Македоно-одринското опълчение 1912-1913 г. Личен състав“, Главно управление на архивите, 2006, стр. 151.
  2. Михайлов, Иван. Спомени II. Освободителна борба 1919 - 1924, Льовен, 1965, стр. 136, 704.