Гревопаѓање

Гревопаѓање — поим заеднички за сите авраамски религии, кој означува прекршување на Божјата волја од страна на првиот човек. Овој чин довел до падот на човекот од состојба на највисоко, безгрешно и невино блаженство во состојба на страдање и грешност. Концептот се заснова на 3-та глава од книгата Битие.^[1]

Во Библијата

Во книгата Битие, во 3-та глава е опишан настанот за протерувањето на првите луѓе (Адам и Ева) од Рајската градина, откако, прекршувајќи ја заповедта на Господ (еврејски: אֱלֹהִים, Елохим), вкусиле од Дрвото на познавање на доброто и злото (Бит. 3:1–7).^[2]

Адам бил предупреден дека вкусувањето на плодови од Дрвото на познавање на доброто и злото води кон смрт:

Од дрвото на познавање на доброто и злото, не јади од него; зашто во оној ден кога ќе вкусиш од него, ќе умреш.

—Бит. 2:17

Ева (Бит. 2:22), како последица на дијалогот со змијата (еврејски: נָּחָשׁ, нахаш), вкусила од забранетиот плод и му дала да јаде на Адам, по што:

И им се отворија очите на обајцата, и разбраа дека се голи, па сошија смоквини лисја и си направија престилки.

—Бит. 3:7

Последиците од прекршувањето на забраната и одбивањето на понуденото покајание биле: оштетување на создаденото (природата) и на човекот, протерување од рајот, губење на пристапот до Дрвото на животот и смртта.

Во јудаизмот се смета дека змијата искушувач е ангелот Самаил. Во христијанството, змијата искушувач се поистоветува со сатаната, врз основа на Откровението на Јован Богослов: „И беше фрлен големиот змеј, старата змија, која се вика ѓавол и сатана, кој го мами целиот свет, беше фрлен на земјата, а со него беа фрлени и ангелите негови“ (Откровение 12:9).

Наводи

↑ Tuling, Kari H. (2020). „PART 1: Is God the Creator and Source of All Being—Including Evil?“. Во Tuling, Kari H. (уред.). Thinking about God: Jewish Views. JPS Essential Judaism Series. Линколн и Филаделфија: University of Nebraska Press/Jewish Publication Society. стр. 3–64. doi:10.2307/j.ctv13796z1.5. ISBN 978-0-8276-1848-0. LCCN 2019042781. S2CID 241611417 Проверете ја вредноста |s2cid= (help).
↑ „Summa Theologiae/First Part of the Second Part/Question 85 - Wikisource, the free online library“. en.wikisource.org.

Надворешни врски

„Koran: The Elevated Places“. www.quod.lib.umich.edu. Ann Arbor, Michigan: University of Michigan Library.
The Fall, BBC Radio 4 Разговор со Мартин Палмер, Гризелда Полок и Џон Кери. (In Our Time, 8 април 2004)

[Tuling_2020-1] Tuling, Kari H. (2020). „PART 1: Is God the Creator and Source of All Being—Including Evil?“. Во Tuling, Kari H. (уред.). Thinking about God: Jewish Views. JPS Essential Judaism Series. Линколн и Филаделфија: University of Nebraska Press/Jewish Publication Society. стр. 3–64. doi:10.2307/j.ctv13796z1.5. ISBN 978-0-8276-1848-0. LCCN 2019042781. S2CID 241611417 Проверете ја вредноста |s2cid= (help).

[2] „Summa Theologiae/First Part of the Second Part/Question 85 - Wikisource, the free online library“. en.wikisource.org.

[1]

[2]