Градиште (Пчиња)

Градиште — археолошко наоѓалиште во кумановското село Пчиња. Претставува градиште од доцна антика. На 2,5 км северно од селото, на висок рид со зарамнето плато, кое зафаќа површина од 250 × 100 м, се гледаат остатоци од фортификација. На југоисточниот дел на тврдината е зачуван ѕид од бедемот кој има дебелина од 1,70 м, граден од кршен камен и варов малтер. Во внатрешноста на тврдината се гледаат ѕидови од повеќе објекти, а се среќаваат и фрагменти од керамички садови, питоси и множество градежен материјал.

Ова место датира од XIV век и се врзува за познатата воено-градителска дејност од времето на Јустинијан I кој таквите кули стануваат носители на одбранбена концепција на Византиското Царство. Оваа тврдина настрадала страотно некаде во крајот од VI век и наскоро бил целосно напуштен. Во наоѓалиштето Градиште се најдени некои ретки археолошки пронајдоци како што се: рачка од скифос, дел од Хидрија, рачно изработен грнец, Амфори, двореден чешел изработен од коска, две монети од времето на Аркадиј (395-408 г.), монета кована во Кизик во времето на Хонориј (333 -350 год), монета од времето на Јустин I (518 - 527), монета од времето на Јустинијан (527 - 565) а исто така при копање на просторот од акрополата непосредно западно од северната челна кула биле извадени два-три камени столбови од стара црква.

Поврзано

• Белуш — населба од римското време;
• Манастир — средновековна утврдена населба и некропола;
• Мијашки Рид — некропола од железното време;
• Св. Архангел — некропола од римското време;
• Селце — средновековно градиште;
• Стари Јаз — некропола од доцноантичкото време;
• Црквиште — населба од железното и римското време;
• Пчиња;
• Список на археолошки наоѓалишта во Кумановско;
• Список на средновековни некрополи во Македонија.