Градиште (Горно Нерези)

Градиште — археолошко наоѓалиште во скопското село Горно Нерези. Претставува градиште со некропола од доцноантичко време.

На 1 км источно од селото, на северните падини на Водно, на издадена карпеста чука со зарамнет врв во облик на триаголник и со димензии од 110 × 105 м се гледаат остатоци од одбранбен бедем граден од кршен камен и варов малтер. На површината на градиштето се гледаат темели од повеќе објекти и множество градежен материјал, како и фрагменти од керамички садови и монети. На северозападното подножје, при обработувањето на земјата се откриени повеќе гробови градени од камени плочи.

Поврзано

• Црква „Св. Пантелејмон“ — стар манастир во селото со римски наод