Градиште (Бразда)

Од Википедија — слободната енциклопедија
Прејди на прегледникот Прејди на пребарувањето
Градиште
археолошко наоѓалиште
Arheo Park in Brazda (29).JPG

Поглед на гробницата

Градиште is located in Македонија
Градиште
Местоположба на Градиште во Македонија
Местоположба 42°4′50″N 21°23′54″E / 42.08056° N; 21.39833° E / 42.08056; 21.39833Координати: 42°4′50″N 21°23′54″E / 42.08056° N; 21.39833° E / 42.08056; 21.39833
Основни податоци
Име Градиште
Место Бразда
Општина Чучер-Сандево
Тип

Археомак 2.0 графички знак (градиште).svg градиште

Период железно време
раноантичко време
римско време
Портал „Археологија“

Градиште — утврдена населба од железното, раноантичкото, римското и доцноантичкото време во Бразда, Општина Чучер-Сандево, Скопско. Се наоѓа на високиот рид што се издига 70 метри над околината, ограден од двете страни со Бањанска Река. На врвот има плато со површина од 4,5 хектара, кое паѓа терасесто кон север и југ и на кое се наоѓаат остатоци од утврдена населба.

По површината се среќаваат фрагменти од керамички садови, питоси, тегули и друг градежен материјал. На акрополот, врз предримскиот опидум бил изграден доцноримски кастел со квадратна основа и со димензии од 110 × 90 м. 0дбранбените ѕидови се градени од камен и варов малтер и имаат ширина од 1,70 м.

Со ископувањата во 1986 година се откриени дел од работилница за преработка на метал (оловна руда) и керамика од 5-4 век пред н.е. Во северното подножје е откриена раноантичка гробница градена од делкани блокови од травертин кај која се разликуваат две фази на градба. Меѓу многубројната жртвена керамика има повеќе антички црвено фигурални вази од крајот на 5 и раниот 4 век пред н.е. Наодите се чуваат во Музејот на Македонија во Скопје.[1]

Поврзано[уреди | уреди извор]

Наводи[уреди | уреди извор]

  1. Коцо, Димче (1996). Археолошка карта на Република Македонија. Скопје: МАНУ. ISBN 9789989101069