Градевска Река

Од Википедија — слободната енциклопедија
Прејди на прегледникот Прејди на пребарувањето
Градевска Река
Други имињаЕловица
МестоРазлошко и Горноџумајско, Пиринска Македонија
Слив
Главен изворКапатник, Југозападна Рила
2.054 м
41°56′33″ N; 23°21′22″ E / 41.9425° N; 23.3561° E / 41.9425; 23.3561
Устиер. Струма кај Симитли
286 м
41°53′35″ N; 23°06′57″ E / 41.8931° N; 23.1158° E / 41.8931; 23.1158Координати: 41°53′35″ N; 23°06′57″ E / 41.8931° N; 23.1158° E / 41.8931; 23.1158
ТечениеСтрумаЕгејско Море
Сливна повр.253 км2
Физички особености
Должина31 км
Проток

Градевска Река (или Еловица) — река во Разлошко и Горноџумајско, Пиринска Македонија, лева притока на Струма. Долга е 31 км и одводнува делови од Југозападна Рила и најсеверниот дел на Пирин.[1]

Реката извира под името Злата Река на надморска височина од 2.054 м, 300 м југозападно од врвот Капатник (2.170 м) на Југозападна Рила. Првите 5 км тече на југ како буен планински поток, стасува до месноста Предел (1.140 м.н.в.) и свртува на запад-северозапад. До устието се смета за граница меѓу планините Рила на север и Пирин на југ. До с. Градево тече во благо наклонета и добро пошумена долина под името Еловица, каде оддесно ја прима најголемата притока Осеновска Река и свртува на југозапад. По селото веќе се нарекува Градевска Река и долината малку се проширува, но тука страните се веќе соголени, коритото и широко и исполнето со силни наноси. Завршува како лева притока на Струма во градот Симитли.

Сливот на реката зафаќа 253 км2, што претставува 1,35 % од вкупниот слив на Струма.

Главни притоки: → лева, ← десна

  • → Мразеница
  • → Струшка Река
  • ← Маревска Река
  • Осеновска Река (најголема)
  • → Порогочка Река
  • → Свинедолско Дере

Градевска Река се напојува претежно од снег и дожд. Најполноводна е во мај и јуни, а најслабоводна во август и септември. Средниот годишен истек во устието изнесува 1,91 м3.

По течението на реката има само две населени места: селото Градево и градот Симитли, обете во Општина Симитли. Во горното течение е одморалишното место Предел.

Од устието на реката кај градот Симитли до месноста Предел, во должина од 25,4 км по долината минува делница од државниот пат II-19: Симитли – Мехомија (Разлог) – Неврокоп – ГП „Либјахово - Вазме“ („Илинден - Ексохи“) за Драмско, Егејска Македонија.

Карта[уреди | уреди извор]

Поврзано[уреди | уреди извор]

Наводи[уреди | уреди извор]

  1. Мичев, Николай и др. (1980). Географски речник на България. София: Наука и изкуство. стр. 153.