Горан Станишевски

Од Википедија — слободната енциклопедија
Прејди на прегледникот Прејди на пребарувањето
Горан Станишевски
Роден(а)20 октомври 1980(1980-10-20)
Куманово, тогаш СР Македонија
Починал(а)30 јули 2016(2016-07-30) (воз. 35 г.)
Средорек, Куманово, Македонија
ПочивалиштеКарпош, Куманово, Македонија
42°09′20″ СГШ; 21°44′05″ ИГД / 42.1555° СГШ; 21.7347° ИГД / 42.1555; 21.7347
Други имињаГошо
Полициска кариера
Орган(и)
ЗемјаМакедонија Македонија
Години во служба11 (2005-2016)
Чин(ови)Полицаец

Горан Станишевски (20 октомври 1980 - 30 јули 2016) — македонски полициски службеник, поранешен воен оператор во специјална единица и граничар. Тој бил убиен по интервенција на пријава за семејно насилство во населбата Средорек во Куманово.

Биографија[уреди | уреди извор]

Станишевски е роден на 20 октомври 1980 година во Куманово, тогаш СФР Југославија. Имал завршено само основно и средно образование.

Воена кариера

По завршувањето на воениот конфликт кој ги зафатил северниот и западниот дел на Македонија, Станишевски на 29 ноември 2001 година е вработен во Министерството за одбрана. Тој ја поминал обуката и бил примен во денешниот Баталјон за специјални намени. Таму останува до 2005 година.

Полициска кариера[уреди | уреди извор]

Неговата работа во полицијата ја започнува во 2005 година кога Министерството за внатрешни работи го презема во свои редови. Работи во станицата во Гошинце како дел од Регионалниот центар за гранични работи „Север“, а по две години, во 2007 година добива прекоманда во Полициската станица за гранична контрола во Танушевци.

Од 2009 година е префрлен во Секторот за внатрешни работи Куманово каде останува сè до 2012 година. Тогаш е прераспореден во Секторот за гранични работи и миграција и работи во единица за прекуграничен криминал.

Година дена подоцна повторно е вратен во Кумановската полиција и од 25 ноември 2013 година работи во главната станица во Куманово со чин Полицаец. По две години служба како уличен полицаец, промовиран е со тоа што влегува во Посебната единица за поддршка на СВР Куманово.

Смрт[уреди | уреди извор]

На 30 јули 2016 година околу 21:30 часот кумановската болница пријавила во полицијата дека кај нив повредени биле донесени мајка и ќерка. Откако двајца полициски службеници направиле разговор со жртвите констатирале дека се работи за семејно насилство и се упатиле да се справат со извршителот. На асистенција им била пратена патрола од уште двајца службеници меѓу кои бил и Горан Станишевски. Таткото на осомничениот ги предупредил дека лицето боледува од шизофренија.

Кога пристигнале во домот на осомничениот во ромската населба Средорек во Куманово, околу 22 часот, влегле во куќата каде што бил извршителот. Тој мавнал по нив со огледало и со себе зел кујнски нож. Полицајците констатирале дека треба да се повлечат и додека го правеле тоа, извршителот го прободел Станишевски.[1][2] Горан веднаш бил префрлен во болница, но по кратко време им подлегнал на повредите. Лицето потоа го фрлило ножот и се предало по убедување на татко му.

Лицето кое го прободело Станишевски за време на неговата службена должност, 9 месеци додека бил азилант се лекувал во болница за ментално здравје во Шведска. Кога му било одбиено барањето за азил бил вратен во Македонија и два месеци престојувал во психијатриската болница во Бардовци.[3] Неколку дена пред настанот бил пуштен од болница бидејќи сакал да се оперира поради проблеми со крајниците, меѓутоа самиот побарал да биде вратен во Бардовци кога му се влошила здравствената состојба. Татко му го однел во психијатриската болница, но дежурниот лекар не го примил бидејќи констатирал дека нема индикации за тоа и дека се однесува нормално. Следниот ден извршил семејно насилство и го прободел Станишевски.[4]

Наводи[уреди | уреди извор]

Надворешни врски[уреди | уреди извор]