Голема шлука
| Голема шлука | |
|---|---|
 | |
| Научна класификација | |
| Царство: | Животни |
| Колено: | Хордати |
| Класа: | Птици |
| Ред: | Бекасови |
| Семејство: | Мочварки |
| Род: | Шлука |
| Вид: | Голема шлука |
| Научен назив | |
| Gallinago media (Latham, 1787) | |
| Синоними | |
|
Capella media (Latham, 1787) | |
Големата шлука (Gallinago media) е мала крајбрежна птица од родот Gallinago. Големите шлуки се размножуваат во мочуриштата и влажните ливади со ниска растителност во североисточна Европа, како и севрозападна Русија. Тие се птици преселници кои зимата ја поминуваат во Африка. Ги среќаваме и во Македонија. Европската популација на овие птици е во голем пад.
Опис
[уреди | уреди извор]Големата шлука е долга од 27 до 29 см, со распон на крилјата 42-46 см и тежина 150-260 g. Перјето во основа е светлокафено со бели линии на крилата, а од клунот кон очите и грбот се протегаат темни линии. Овие птици се познати по нивниот брз и издржлив лет. Забележано е дека можат да летаат до 97 километри на час, без некоја особена помош од ветрот. Исто така, може да летаат непрестајно 48 часа, а поминуваат преку 6 760 километри при преселбата.[2] Крилата не им се особено аеродинамични, без зашилени краеви, и вообичаено не сопираат да јадат иако имаат можности. За тоа време ги користат резервите од масти.[2]
Размножување
[уреди | уреди извор]Во сезоната на парење, мажјакот го започнува своето додворување во самрак правејќи сложени фигури. Стои исправено со накострешени пердуви на градите и раширена опашка. Или скока во воздух и произведува различни звуци како тропкање, кликање, свиркање, џагорење. Големата шлука гнездото го прави на добро скриено место, на земја. Несат 3-4 јајца.
Исхрана
[уреди | уреди извор]Овие птици пасат во меката кал, избирајќи ја храната што им е на дофат. Тие главно јадат инсекти и дождовни црви, а повремено и растенија. Многу тешко се забележуваат во својата животна средина, со своите бои се камуфлирани и претопени во околината. Кога ќе се исплашат, летаат прилично подалеку додека повторно не навлезат во растителноста.
Статус
[уреди | уреди извор]На големите шлуки се однесува Договорот за заштита на африканско-евроазиските миграторни водни птици.
Наводи
[уреди | уреди извор]- ↑ BirdLife International (2012). „Gallinago media“. IUCN Red List. Version 2012.1. International Union for Conservation of Nature. Посетено на 16 July 2012.
- 1 2 None, Ker Than (June 6, 2011). „World's Fastest Bird? Chubby Snipe Snaps Nonstop Record“. National Geographic. Посетено на August 12, 2011.
Надворешни врски
[уреди | уреди извор]- ARKive Архивирано на 7 октомври 2008 г. Фотографии.
- Great Snipe Архивирано на 13 октомври 2004 г.
- Biology Letters Архивирано на 4 март 2016 г.