Голема баракуда
| Голема баракуда | |
|---|---|
 | |
| Голема баракуда во Мексико | |
| Научна класификација [ у ] | |
| Царство: | Животни |
| Тип: | Хордови |
| Класа: | Зракоперки |
| Ред: | Крањовидни |
| Семејство: | Баракуди |
| Род: | Баракуда |
| Вид: | Голема баракуда |
| Научен назив | |
| Sphyraena barracuda (Edwards in Catesby, 1771) | |
| Синоними | |
|
Список
| |
Голема баракуда (научен назив: Sphyraena barracuda) ― вид на баракуда, род од 27 видови големи риби зракоперки кои живеат во суптропските океани низ целиот свет. Во своето природно живеалиште, големата баракуда е врвен грабливец.[2]
Распространетост и живеалиште
[уреди | уреди извор]Големата баракуда е присутна во тропски до топли умерени води, во суптропските делови на Индискиот, Тихиот и Атлантскиот Океан. Првенствено се наоѓа во океаните во близина на екваторот, големата баракуда наоѓа засолниште во мангрови до длабоки гребени и корита со морска трева, до длабочина од 110 метри.[3] Младите и малите возрасни единки обично живеат на локации во близина на брегот, како што се мангрови и места со морска трева,[4] додека возрасните единки обично се наоѓаат подалеку од брегот околу вештачки структури, гребени и карпести изданоци,[5] што ги користат како засолниште.[4][5] Истражувањата спроведени од истражувачка група која ги обележувала и следела овие риби на Бахамите заклучиле дека значителен дел останале во своите живеалишта подолг временски период; сепак, мал дел од популацијата патувале надвор од земјата, што укажува дека се способни за миграција во големи размери.[6]
Опис
[уреди | уреди извор]Големите баракуди се издолжени риби со моќни вилици . Долната вилица од нивната голема уста штрчи надвор од горната. Баракудите имаат силни заби кои се нееднакви по големина, поставени во вдлабнатини во вилиците и на горниот дел од устата. Нивната глава е доста голема, зашилена и по изглед слична на штука.
,_parque_nacional_Ras_Muhammad,_Egipto,_2022-03-27,_DD_116.jpg)
Големата баракуда е сино-сива одозгора, а одоздола бледо сребрена и бела. Понекогаш, на горната страна се појавува ред потемни ленти, со црни дамки од секоја долна страна. Втората грбна перка, како и аналната и каудалната перка, се движат од темно виолетова до црна со бели врвови.
Големите баракуди се големи риби, најголеми од својот род. Зрелите примероци обично се околу 60-100 см во должина и тежина од 2,5 - 9 кг. Исклучително големите примероци можат да надминат должина од метар ипол, и тежина над 23 килограми.
Однесување и биологија
[уреди | уреди извор]
Баракудите се ненаситни грабливки кои ловат од заседа. Тие се потпираат на изненадување и кратки брзи налети.Жабрените капаци немаат боцки и се покриени со мали лушпи. Двете грбни перки се широко одвоени, при што првата има пет боцки. Втората грбна перка е еднаква по големина на аналната перка и се наоѓа повеќе или помалку над неа. Страничната линија е истакната и се протега право од главата до опашката. Баракудата има голем меур за пливање.
Баракудите се повеќе или помалку осамени. Младите и полувозрасните риби често се собираат во јата. Големата баракуда фаќа мал плен со отворање на устата и голтање на пленот само со еден залак. Додека кај поголемиот плен потребни се повеќекратни залаци и странично тресење на главата за да се намали пленот на помали парчиња и да се движи кон предниот дел од устата за да биде изеден.[3]
Баракудите можат да достигнат најмалку 14 години. Сезоната на мрестење трае од април до октомври. Женките можат да исфрлат околу 5.000 до 30.000 јајца. Највисоката стапка на мрестење се јавува во јули, август и септември, а потоа се намалува во наредните месеци, особено во зима.[7] Истражувањата спроведени на S. barracuda на Флорида покажале дека женките достигнуваат сексуална зрелост уште на 1-2 години, а мажјаците на 3-4 години,[4] а заклучокот е дека женките достигнуваат зрелост околу една година порано од мажјаците.[7]
Исхраната е составена речиси целосно од риби (како што се харинги, сардини, сребрени риби, сардели, и други), цефалоподи и повремено ракчиња.
Однос со луѓето
[уреди | уреди извор]Баракудите се чистачи и може да ги помешаат нуркачите со големи риби, следејќи ги со надеж дека ќе ги изедат остатоците од нивниот плен. Пријавени се случаи на каснување од баракуда кај пливачи, но ваквите инциденти се ретки и веројатно се предизвикани од слаба видливост. Баракудите може да ги помешаат предметите што светкаат и блескаат со плен.
Нападите од баракуди врз луѓе се ретки, иако каснувањата можат да резултираат со рани и губење на дел од ткивото. Тие се популарна цел за рекреативен риболов, поради борбеноста што ја покажуваат кога се фатени. Сепак, тие се познати и по остриот мирис што го испуштаат по фаќањето, а нивното месо има шанси да предизвика труење кога ќе се изеде.
Заштитен статус
[уреди | уреди извор]Според извештаите, големите баракуди се во опаѓање на Флорида, а Комисијата за заштита на рибите и дивите животни на Флорида размислува да воведе ограничувања за улов. Имало некои случаи на улови на големи баракуди надвор од нивните нормални суптропски и тропски живеалишта, како што се канадскиот дел на океаните и Североисточниот Атлантик.[8] Може да се претпостави дека ова може да биде предизвикано од фактори како што се уништувањето на живеалиштата поради глобалното затоплување и други фактори што би можеле да влијаат на овие риби кои мигрирале барајќи ново засолниште или плен.
Наводи
[уреди | уреди извор]- ↑ Aiken, K.A.; Dooley, J.; Marechal, J.; Pina Amargos, F.; Russell, B.; Singh-Renton, S. (2015). „Sphyraena barracuda“. Црвен список на загрозени видови. 2015. doi:10.2305/IUCN.UK.2015-4.RLTS.T190399A15603115.en. Занемарен непознатиот параметар
|errata=(help); Занемарен непознатиот параметар|article-number=(help) - ↑ „Sphyraena barracuda“. Discover Fishes (англиски). Посетено на 2024-11-13.
- 1 2 Barcelos, Luís M. D.; Barreiros, João B.; Barreiros, João P. (2024). „First record of the great barracuda, Sphyraena barracuda ( Perciformes, Sphyraenidae ), in the Azores, north-east Atlantic“. Journal of Fish Biology (англиски). 104 (4): 1255–1257. Bibcode:2024JFBio.104.1255B. doi:10.1111/jfb.15655. ISSN 0022-1112. PMID 38240296 Проверете ја вредноста
|pmid=(help).|hdl-access=бара|hdl=(help) - 1 2 3 Brownscombe, Jacob W.; Nowell, Liane; Samson, Emma; Danylchuk, Andy J.; Cooke, Steven J. (2014). „Fishing-Related Stressors Inhibit Refuge-Seeking Behavior in Released Subadult Great Barracuda“. Transactions of the American Fisheries Society (англиски). 143 (3): 613–617. Bibcode:2014TrAFS.143..613B. doi:10.1080/00028487.2014.880744. ISSN 0002-8487.
- 1 2 Habegger, M. L.; Motta, P. J.; Huber, D. R.; Deban, S. M. (2011). „Feeding biomechanics in the Great Barracuda during ontogeny“. Journal of Zoology (англиски). 283 (1): 63–72. doi:10.1111/j.1469-7998.2010.00745.x. ISSN 0952-8369.
- ↑ „Sphyraena barracuda“. Discover Fishes (англиски). Посетено на 2024-11-13.
- 1 2 Maxwell, Erin E.; Wilson, Laura AB (2013-12-05). „Regionalization of the axial skeleton in the 'ambush predator' guild – are there developmental rules underlying body shape evolution in ray-finned fishes?“. BMC Evolutionary Biology. 13 (1): 265. Bibcode:2013BMCEE..13..265M. doi:10.1186/1471-2148-13-265. ISSN 1471-2148. PMC 3867419. PMID 24314064.
- ↑ „Sphyraena barracuda“. Discover Fishes (англиски). Посетено на 2024-11-13.
Надворешни врски
[уреди | уреди извор]
Sphyraena barracuda на Викивидовите ?
Податотеки поврзани со Голема баракуда на Ризницата
