Голема Пеш

Од Википедија — слободната енциклопедија
Прејди на прегледникот Прејди на пребарувањето
Голема Пеш
археолошко наоѓалиште
Голема Пеш is located in Археолошки локалитет во Македонија
Голема Пеш
Голема Пеш
(Грешка во скриптата: Нема модул наречен „Location map/old“.)
Местоположба 41°48′34″N 21°9′38″E / 41.80944° СГШ; 21.16056° ИГД / 41.80944; 21.16056Координати: 41°48′34″N 21°9′38″E / 41.80944° СГШ; 21.16056° ИГД / 41.80944; 21.16056
Основни податоци
Име Голема Пеш
Место Здуње, Порече
Општина Македонски Брод
Тип

Археомак 2.0 графички знак (населба).svg населба

Период палеолитско време
Портал „Археологија“  • Проект „Археомак“

Голема Пеш во литературата и како Голема Пешт[1] е археолошки локалитет во поречкото село Здуње. Локалитетот претставува населба од палеолитот.[2] Местоположбата на пештерата овозможува многу добра прегледност на околината, а особено кон долината на некогашната река Треска. Се наоѓа на 460 метри надморска височина и на 62 метри над релативната висина на тогашното ниво на оваа река. Со изградбата на хидроцентралата и со полнењето на езерото Козјак, пештерета денес се наоѓа на 10 m. над водата и сериозно е загрозена од големото присуство на влага. Во 1999 година е извршено пробно сондирање а од лабораторијата на Институтот за физика во Ерланген, Нирнберг (каде биле испратени два примерока од јаглен) констатирано е дека пештерата била населена и пред 50.000 п.н.е. Камените и коскените артефакти укажуваат на присуство на луѓе од времето кога се уште немало изработки и употреба на керамика (глина). Кварцот бил главна суровина која била употребувана за изработка на алатките. На простор од 6 m2на длабочина од 70 cm се откриени 6000 камени артефакти и 4900 наоди од животински коски. Најголем број остатоци потекнуваат од елени, а во помал број од: алпски козорог, дива свиња, пештерна хиена, мечка, дабар, птици, желка. Локалитетот бил мета на диви копачи и биле се констатирани оштетувања на импровизираната ограда од локалитетот и во внатрешноста на пештерата, каде што биле евидентирани копања, со што бил нарушен стратиграфскиот слој на просторот предвиден за истражување, а исто така бил направен и откоп на два геолошки слоја од сондата каде што биле вршени систематски ископувања, со што, пак, било предизвикано нарушување на хоризонталната стратиграфија на сондата.[3]

Поврзано[уреди | уреди извор]

Наводи[уреди | уреди извор]

  1. Shalamanov-Korobar Lj., 2008, First Paleolithic Researches in the R. Macedonia: the Cave Golema Pesht near the Village Zdunje - Preliminary Results, Proceedings of the XV world Congress of the International Union for Prehistoric and Protohistoric Sciences (UISPP), BAR - International Series 2007/2008, Lisbon
  2. Шаламанов-Коробар, Лилјана (2002). Пештера - Голема Пешт, село Здуње. Скопје, 2008: Министерство за култура на Република Македонија, Управа за заштита на културното наследство.
  3. Шаламанов-Коробар Љ., "Илегални ископувања и заштита на локалитетот Голема Пешт", Археолошки преглед бр. 2, Управа за заштита на културно наследство

Надворешни врски[уреди | уреди извор]