Гола (Кукушко)

Од Википедија — слободната енциклопедија
Прејди на прегледникот Прејди на пребарувањето
Гола
Γκόλα
Гола is located in Грција
Гола
Гола
Местоположба во областа
Гола is located in Кукуш (општина)
Гола
Местоположба на Гола во Општина Кукуш и областа Централна Македонија
Координати: 41°9′N 22°49′E / 41.150° СГШ; 22.817° ИГД / 41.150; 22.817Координати: 41°9′N 22°49′E / 41.150° СГШ; 22.817° ИГД / 41.150; 22.817
ЗемјаГрција
ОбластЦентрална Македонија
ОкругКукушки округ
ОпштинаКукуш
Општ. единицаКукуш
Надм. вис.&10000000000000281000000281 м
Население (2001)[1]
 • Вкупно141
Часовен појасEET (UTC+2)
 • Лете (DST)EEST (UTC+3)

Гола (грчки: Κορυφή, Корифи, до 1926 Γκόλα, Гола)[2] — село во Општина Кукуш во Кукушки округ, Егејска Македонија, денес во областа Централна Македонија, Грција.

Географиja и местоположба[уреди | уреди извор]

Селото се наоѓа на 19 километри северно од градот Кукуш (Килкис) на планината Круша, на неколку километри од грчко-македонската граница, во близина на североисточниот брег на Дојранското Езеро. Селото се наоѓа на надморска височина од 281 метри.

Историја[уреди | уреди извор]

Селото било под влијание на Бугарската егзархија. Според податоците на секретарот на егзархијата Димитар Мишев („La Macédoine et sa Population Chrétienne“) во 1905 година во селото живеале 120 Македонци и работело егзархиско училиште[3][4].

Во текот на Втората Балканска војна, селото било опожарено од страна на грчките војски а самото македонско население било принудено да побегне од своите домови. Затоа, во пописот од 1913 година, селото било регистрирано со 84 жители. Голем дел од македонското население заминало од селото кон Македонија или Бугарија, и на негово место било населено грчко население од Мала Азија, Источна Тракија и Понд.

По крајот на Балканските војни, селото било вклучено во составот на Грција. Во 1926 година, селото било прекрстено во Корифес.[5]

Селото настрадало и во текот на Грчката граѓанска војна, поради кој конфликт македонското население побегнало во Струмица.

Демографија[уреди | уреди извор]

Во 1928 година селото било чисто бегалско со 188 жители бегалци.[6], додека во 1940 година селото броело 336 жители. Селото во пописот од 1951 година броело 173 жители, на пописот од 1961 година, во селото живееле 179 жители, во 1971 година имало 173 жители, во 1981 година имало 141 жител, додека во 1991 година имало 123 жители. Денеска, населението на селото е 141 жител.

Еве преглед на населението во сите пописни години, од 1940 г. до денес:

Година 1940 1951 1961 1971 1981 1991 2001 2011
Население 336 173 179 173 141 123 / 141
Извор за 1940-1991 г.: Т. Симовски, Населените места во Егејска Македонија

Личности[уреди | уреди извор]

Родени во Гола
  • Вано Ташев (1892 - ?)[7]
  • Кољо Георгиев (1892 - ?)[8]
  • Трајко Голски (1884 - ?)[9]
  • Христо Ташев (1891 - ?)[10]

Наводи[уреди | уреди извор]

  1. (PDF 39 Мб) Фактична состојба на населението и домовите во Грција според пописот од 18 март 2001 г.. Државен завод за статистика на Грција. 2003. http://dlib.statistics.gr/Book/GRESYE_02_0101_00095.pdf. 
  2. Μετονομασίες των Οικισμών της Ελλάδας. Γκόλα - Κορυφές
  3. Како што е општопознато, Македонците во бугарските извори се присвојуваат и водат како Бугари, и покрај признанието дека самите отсекогаш се изјаснувале како Македонци.
  4. Brancoff, D.M. "La Macédoine et sa Population Chrétienne". Paris, 1905, pp. 98-99.
  5. Λιθοξόου, Δημήτρης. Μετονομασίες των οικισμών της Μακεδονίας 1919 - 1971
  6. Κατάλογος των προσφυγικών συνοικισμών της Μακεδονίας σύμφωνα με τα στοιχεία της Επιτροπής Αποκαταστάσεως Προσφύγων (ΕΑΠ) έτος 1928
  7. Македоно-одринското опълчение 1912-1913 г. Личен състав, Главно управление на архивите, 2006, стр. 696.
  8. Македоно-одринското опълчение 1912-1913 г. Личен състав, Главно управление на архивите, 2006, стр. 157.
  9. Македоно-одринското опълчение 1912-1913 г. Личен състав, Главно управление на архивите, 2006, стр. 180.
  10. Македоно-одринското опълчение 1912-1913 г. Личен състав, Главно управление на архивите, 2006, стр. 698.