Гијом Мисо

Од Википедија — слободната енциклопедија
Прејди на прегледникот Прејди на пребарувањето
Гијом Мисо

Гијом Мисо (француски: Guillaume Musso) (роден на 6 јуни 1974) е француски писател.

Кариера[уреди | уреди извор]

Роден е во францускиот град Антиб. Уште како дете читал многу книги и бил сигурен дека еден ден ќе пишува новели.

Кога го завршил средното образование во Франција, Гијом на 19 години заминува во САД. Престојувал неколку месеци во Њујорк, каде живеел со други странци, заработувајќи така што продавал сладолед. Во Франција се вратил, со многу идеи за пишување на книги. Читателите во неговите книги можат да го забележат влијанието на неговиот престој во Соединетите Американски Држави, заради дејствијата што се одвиваат токму таму.

Неговата прва објавена книга е Skidamarink 2001, трилер кој започнува со кражба на Мона Лиза од Лувр. По тешката сообраќајна несреќа која ја имал, започнува да се интересира за искуствата на луѓето кои биле блиску смртта и по тој повод ја пишува својата следна книга „А потоа“ 2004, за човек кој се враќа од мртвите. Книгата е продадена во милиони примероци во Франција, а преведена е на 23 јазици.

Во 2009 година, Гијом Мисо беше втор најпродаван автор во Франција, а 2011 беше трет автор по број на продавани книги од 2008, одма по Стефани Маер и Харлан Кобен. До сега неговите книги се преведени на 34 јазици и продадени се во 11 милиони примероци ширум светот.

Романи[уреди | уреди извор]

  • Skidamarink (2001)
  • А потоа... (2004)
  • Спаси ме (2005)
  • Дали ме чекаш? (2006)
  • Затоа што те љубам (2007)
  • Врати ми се (2008)
  • Како без тебе (2009)
  • Девојката од хартија (2010)
  • Ангелски повик (2011)
  • 7 година подоцна (2012)
  • Ако не постои утре (2013)
  • Централ Парк (2014)
  • Во еден момент (2015)
  • Девојката од Бруклин (2016)
  • Апартман во Париз (2017)
  • Девојката и ноќта (2018)

Надворешни врски[уреди | уреди извор]