Георги Атанасов

Од Википедија — слободната енциклопедија
Прејди на: содржини, барај
Георги Атанасов.jpg
Роден 14 јануари 1880
Велико Трново, Бугарија
Починал 12 септември 1924
Горна Џумаја, Пиринска Македонија

Георги Атанасов Атанасов, псевдоними Моров, Петар Вангелов, Вангел Петров, Август, Беломорски, бил бугарски офицер, учесник во македонското револуционерно движење и член на Внатрешна македонска револуционерна организација.[1][2]

Биографија[уреди | уреди извор]

Георги Атанасов, Александар Протоѓеров и Алеко Василев

Георги Атанасов е роден на 14 јануари 1880 година во Велико Трново. Од 1 јануари 1900 година е кадровски офицер во бугарската армија. Учествува во Балканската војна, Втората балканска војна и Првата светска војна. Во 1919 година Георги Атанасов е отпуштен од војската со чин потполковник. На 6 јануари 1922 година откако е предизвикан, во софиското кафуле „Панах“, ги убива петричкиот окружниот управник Васил Славов, началникот на 6-полициска станица и еден полицаец. Извесно време се крие во Софија, по што станува четник на ВМРО во Кочанско,[3] а подоцна бил назначен за специјален претставник на ЦК на ВМРО и за секретар на Алексо Василев - Пашата.

Георги Атанасов станува член на Тајниот воен сојуз. Заедно со Алексо Василев ја спроведуваат Неврокопска акција на ВМРО во 1922 година. Учествува и во 9-то јунскиот државен удар на Александар Цанков во 1923 година. Истата година со група четници, учествува во задушувањето на Септемвриското востание.[4]

Атанасов е еден од главните организатори на убиството на Тодор Александров во 1924 година. Поради тоа, по наредба на Иван Михајлов, е убиен за време на Горноџумајските случувања на 12 септември во престрелка со групата на Кирил Дрангов во Горна Џумаја, денес Благоевград.[5]

Наводи[уреди | уреди извор]

  1. Гаджев, Иван. „Иван Михайлов - отвъд легендите“, Том I, София 2007, Университетско издателство „Св. Климен Охридски“, стр.426
  2. „Заговорътъ противъ Тодоръ Александровъ. По данни на Вѫтрешната Македонска Революционна Организация“. София, 1924.
  3. Михайлов, Иван. Спомени II. Освободителна борба 1919 - 1924, Льовен, 1965, стр. 128.
  4. Баждаров, Георги. "Моите спомени", София, 2001, стр. 128
  5. „Националноосвободителната борба в Македония, 1919 - 1941 г.“, Колектив, ИК „Знание“, София, 1998 г., стр.133