Геноцид на Ромите

Од Википедија — слободната енциклопедија
Група на Синти и Роми чекаат да бидат депортирани, фотографирано во Асперг, Германија, мај 1940 г.

Геноцидот на Ромите бил напор на нацистичка Германија и нејзините сојузници во Втората светска војна да се изврши етничко чистење и евентуално геноцид насочен кон Ромите во Европа.[1]

Под власта на Адолф Хитлер, на 26 ноември 1935 година е донесен дополнителен указ во Нирнбершките закони со кој Ромите се класифицирани како „непријатели на расната држава“, со што биле ставени во истата категорија со Евреите и Полјаците. На одреден начин судбината на Ромите во Европа постигнала паралела со онаа на Евреите во Холокаустот.[2]

Историчарите проценуваат дека меѓу 220.000 и 500.000 Роми биле убиени од нацистите и нивните соработници — процентуално бројките варираат од 25% до повеќе од 50% од Ромите во Европа во тоа време, кои според некои проценки биле околу 1 милион.[2] Подоцнежните истражувања, цитирани од Јан Хенкок, го процениле бројот на жртвите на околу 1,5 милион од околу 2 милиони Роми.[3]

Во 1982 година, Западна Германија официјално признала дека Германија извршила геноцид против Ромите.[4][5] Во 2011 година, Полска официјално го усвоила 2 август како ден на сеќавање на геноцидот на Ромите.[6]

 Оваа статија поврзана со Ромите е никулец. Можете да ѝ помогнете на Википедија со тоа што ќе ја проширите.


Наводи

  1. ↑ Davis, Mark (5 мај 2015). „How World War II shaped modern Germany“. euronews.
  2. ↑ 2,0 2,1 „Holocaust Encyclopedia – Genocide of European Roma (Gypsies), 1939–1945“. United States Holocaust Memorial Museum (USHMM). Посетено на 9 август 2011.
  3. ↑ Hancock, Ian (2005), „True Romanies and the Holocaust: A Re-evaluation and an overview“, The Historiography of the Holocaust, Palgrave Macmillan, стр. 383–396, ISBN 978-1-4039-9927-6, Архивирано од изворникот на 28 септември 2011
  4. ↑ „Germany unveils Roma Holocaust memorial“. aljazeera.com. 24 октомври 2012. Посетено на 8 март 2015.
  5. ↑ „Holocaust Memorial Day: 'Forgotten Holocaust' of Roma finally acknowledged in Germany“. Telegraph.co.uk. 27 јануари 2011. Архивирано од изворникот на 2015-04-02. Посетено на 8 март 2015.
  6. ↑ „OSCE human rights chief welcomes declaration of official Roma genocide remembrance day in Poland“. OSCE. 29 јули 2011. Посетено на 7 мај 2017.
Преземено од „https://mk.wikipedia.org/w/index.php?title=Геноцид_на_Ромите&oldid=5092822“