Галски плускавец
| Галски плускавец | |
|---|---|
 | |
| Научна класификација [ у ] | |
| Царство: | Растенија |
| клад: | Скриеносеменици |
| клад: | Евдикоти |
| Ред: | Каранфиловидни |
| Семејство: | Каранфили |
| Род: | Плускавец |
| Вид: | Галски плускавец |
| Научен назив | |
| Silene gallica L. | |
Галски плускавец (науч. Silene gallica) — вид цветно растение од семејството Caryophyllaceae, познато и како розова ветерница. Потекнува од Евроазија и Северна Африка, но може да се најде низ поголемиот дел од умерениот свет како вообичаен плевел покрај патот.
Опис
[уреди | уреди извор]Ова растение е исправена или полуисправена едногодишна билка која во височина расте до 50 см, неговото разгрането стебло е обложено со долги ,виткани влакна и пократки жлездести влакна. Спротивните, цели ,листови во облик на копје имаат остри врвови, се до 3.5 см долги на долните делови од растението, а помали на горните делови. Цветовите растат во терминална инфлоресценција на врвот од стеблото, а некои се појавуваат во лисните оски. Секој цвет има цевчеста чашка од споени чашки обложени со десет зелени или виолетово-црвени вени. Чашката е обложена со долги, понекогаш жлездести, влакна и се надувува со плодови. Постојат пет бели, розови или двобојни, шпатуласти ливчиња, секое со мал додаток во основата. Постојат десет прашници и три стила. Плодот е кафеава, овална капсула со шест апикални заби.[1]
Распространетост и живеалиште
[уреди | уреди извор]Овој вид, по потекло од Европа, има субмедитеранска/субатлантска дистрибуција. На Британските острови најчесто се јавува во близина на брегот на Англија, Велс, Шкотска и Ирска, но исто така и спорадично во внатрешноста. Се среќава во песокливи или чакалести, често кисели почви во обработливи полиња, на пустелии и на ѕидови, како и на сиромашни суви пасишта на брегот и на песочни дини во Каналските Острови.[2]
Во Македонија расте на тревести и каменливи места, и се посочува само за два локалитета, и тоа: село Николиќ кај Нов Дојран и Градско.[3]
Статус
[уреди | уреди извор]Ова растение е во долгорочен пад, особено во посеверните делови на Европа, и повеќе не е присутно во многу внатрешни места во Велика Британија и Ирска, со намалување на популацијата од 80% во последните десет години, според пријавеното во 2006 година. Ова може да се должи на промени во земјоделските практики. Наведено е како приоритетен вид во Велика Британија, а Црвената листа на податоци на Велика Британија го рангира како загрозен вид.[4]
Наводи
[уреди | уреди извор]- ↑ Mohlenbrock, Robert H. (2001). Flowering Plants: Pokeweeds, Four-o'clocks, Carpetweeds, Cacti, Purslanes, Goosefoots, Pigweeds, and Pinks. SIU Press. стр. 237. ISBN 978-0-8093-2380-7.
- ↑ „Silene gallica“. Online Atlas of the British and Irish Flora. Посетено на 8 March 2020.[мртва врска]
- ↑ Кирил Мицевски: Флора на Република Македонија, МАНУ, Скопје, 1993 г., том 1, свеска 2, стр. 345
- ↑ Forbes, Ralph. „Silene gallica – small-flowered catchfly“. Northern Ireland Priority Species. Посетено на 8 March 2020.
Надворешни врски
[уреди | уреди извор]- ucjeps.berkeley.edu
- Профил на растенија од Министерството за земјоделство на САД
- Флора на Северна Америка
- Фотогалерија
|