Галичичка чуваркуќа
| Галичичка чуваркуќа Sempervivum galicicum | |
|---|---|
| Научна класификација | |
| Царство: | Растенија |
| Нерангирано: | Скриеносеменици |
| Нерангирано: | Евдикоти |
| Нерангирано: | Јадрени евдикоти |
| Ред: | Каменоломковидни |
| Семејство: | Дебелци |
| Род: | Чуваркуќа |
| Вид: | Галичичка чуваркуќа |
| Научен назив | |
| Sempervivum galicicum A.C.Smith | |
Галичичка чуваркуќа[1] (науч. Sempervivum galicicum) — локален ендемит во флората на Македонија од семејството на дебелците (Crassulaceae), познат само за планината Галичица. Се развива во пукнатини на карпи и камењари, на карбонатна геолошка подлога.[2]
Опис[уреди | уреди извор]
Повеќегодишно тревесто растение; Стебло 10–25 см високо, густо жлездесто-влакнесто, со неколку топчести розети и со многубројни листови до соцветието.
Листови[уреди | уреди извор]
Листовите на розетата збиени, долгнавесто-елиптични или ланцетни, на врвот кусо заострени, 12-15x4-5 мм, зелени, на врвот пурпурни, по работ до врвот со густи цилии, од обете страни со густи жлездести влакна, а на долната страна со трепки. Стеблените листови му се поголеми, на врвот пурпурни, од обете страни со густи жлездести влакна, а по работ и со долги трепки.
Цвет[уреди | уреди извор]
Цветовите му се скоро приседнати, градат цимозно, густо жлездесто-влакнесто соцветие со долги цилии. Чашката му е жлездесто-влакнеста, 4–5 мм долга, со 3–4 мм долги ланцетни и заострени сегменти. Венечните ливчиња ѕвездесто му се распоредени, 7 x 1,75–2 мм, ланцетни, на врвот кусо заострени, по работ и од грбната страна со ретки жлездести влакна; прашничките филаменти му се бледокремови, а антериите ѓолти. Карпелите 3–5 мм долги, жлездесто-влакнести. Столпчињата 1,5 мм долги, исправени или малку искривени.
Екологија[уреди | уреди извор]
По варовнички камењари и карпи над 1400 м.
Распространетост[уреди | уреди извор]
- Галичица: на варовнички камењар, 1400–1900 м (leg. K. Micevski) (MKNH)
- Галичица: на варовнички камењар над с. Царина, 1800 м (leg. K. Micevski) (MKNH)
- Галичица: по варовнички карпи во околината на чешмата, 1550 м (leg. K. Micevski) (MKNH)
- Галичица: над Преслап, наваровнички камењар, 1925 м (leg. K. Micevski) (MKNH)
- Галичица: на врвот северно од Преслап, на варовник, 1930 м (leg. K. Micevski) (MKNH)
- Галичица: Стара Галичица, на варовнички камењар, 1870–1960 м (leg. K. Micevski) (MKNH)
- Галичица: Стара Галичица, во околината на Казанот, на варовнички карпи, 1800–2090 м (leg. V. Matevski & M. Kostadinovski) (MKNH)
- Галичица: Томорос, на варовнички камењар, 1500–1700 м (leg. K. Micevski) (MKNH)
Наводи[уреди | уреди извор]
- ↑ Sempervivum galicicum (A.C.Sm.) Micevski, Fl. Republ. Makedonija 1(4): 1095. 1998.
- ↑ Sempervivum ciliosum var. galicicum A.C.Sm.