Врчви (Чашка)

Од Википедија — слободната енциклопедија
Прејди на прегледникот Прејди на пребарувањето
Врчви
археолошко наоѓалиште
Ранохристијански гробови во Чашка 01.JPG

Поглед на ранохристијанските гробови во местноста Врчви кај Чашка

Врчви is located in Македонија
Врчви
Местоположба на Врчви во Македонија
Местоположба 41°41′12″N 21°41′58″E / 41.68667° N; 21.69944° E / 41.68667; 21.69944Координати: 41°41′12″N 21°41′58″E / 41.68667° N; 21.69944° E / 41.68667; 21.69944
Основни податоци
Име Врчви
Место Чашка
Општина Чашка
Тип

Археомак 2.0 графички знак (некропола).svg некропола

Период старохристијанско време
Портал „Археологија“

Врчви е археолошко наоѓалиште на ранохристијански гробови во непосредната близина на населбата Чашка.

Местоположба[уреди | уреди извор]

Поглед на гробовите

Наоѓалиштето се наоѓа во обработени ниви непосредно северно од населбата Чашка во местноста Врчви која е сместена во подножјето на ридот кој се издигнува високо над клисурата на левиот брег на Тополка. Самото наоѓалиште на ранохристијанските гробови на местноста Врчви е сместено преку малиот поток Мала Река во средината окружен со наоѓалиштето на неолитската населба во местноста Мраморје од запад, праисториската енеолитска гробница веднаш на врвот на ридот од исток и римската гробница — тумулус непосредно од север. Имајќи предвид дека во непосредната близина се наоѓаат дури три археолошки наоѓалишта на гробници од различни временски периоди, сите преку потокот Мала Река, додека на другиот брег од спротива се археолошките наоѓалишта на населби, може да се заклучи дека во древните антички времиња овој поток имал симболичко значење на граница и премин помеѓу животот и смртта.

Откритија[уреди | уреди извор]

На наоѓалиштето се откриени две одделни групи на гробови споени едни до други. Едната група опфаќа три споени гробови во правец исток - запад, додека другата во непосредната близина има два гробови со спротивна насока север - југ. Гробовите се целосно ѕидани од камен и малтер во својата внатрешност, што укажува на доста добра обработка. Сепак тие немаат богата и раскошна внатрешна изработка како блиската гробнива - мавзолеј Хереон на месноста Сулинар, што укажува дека тука најверојатно биле погребани посиромашни луѓе, граѓани од средниот слој. Во овие 5 гроба се најдени прилози - украсни предмети, а тука е пронајдена и вотивна плоча со претстава на Хеката меѓу диоскурите која се чува во Музејот на Македонија во Скопје[1].

Галерија[уреди | уреди извор]

Наводи[уреди | уреди извор]

  1. Коцо, Димче (1996). Археолошка карта на Македонија. 2. Скопје: МАНУ. стр. 85.