Вртекица

Вртекица
Влезот во селото Вртекица
Вртекица Местоположба на Вртекица во Македонија Вртекица на карта
Координати 41°53′6″N 21°30′38″E
Општина	Студеничани
Население	90 жит. (поп. 2021)
Шифра на КО	25140
Надм. вис.	587 м
Вртекица на општинската карта Атарот на Вртекица во рамките на општината
Вртекица на Ризницата

Вртекица — село во Општина Студеничани, во околината на градот Скопје.

Географија и местоположба

Вртекица се наоѓа во областа Торбешија, во долниот слив на Маркова Река.

Историја

Подрачјето на Вртекица е населено уште од доцната антика, за што сведочат остатоците од утврдена населба на наоѓалиштето Исар југоисточно од селото.

Според статистиката на Васил К’нчов („Македонија, Етнографија и статистика“) од 1900 година, во Вртекица живееле 360 жители, сите Албанци муслимани.

Население

Население во минатото

Година Нас. ±% 1948 602 —     1953 605 +0.5% 1961 460 −24.0% 1971 434 −5.7% 1981 237 −45.4%	Година Нас. ±% 1991 0 −100.0% 1994 213 —     2002 111 −47.9% 2021 90 −18.9%

Според пописот од 2002 година, селото имало население од 111 жители, сите Албанци.

Според последниот попис од 2021 година, во селото живееле 90 жители, сите Албанци.

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	360	—	602	605	460	434	237	0	213	111	90

Извор за 1900 г.: Македонија. Етнографија и статистика.; за 1905 г.: La Macédoine et sa Population Chrétienne.; за 1948-2002 г.: Државен завод за статистика на РМ.; за 2021 г.: Државен завод за статистика на РМ.

Родови

Вртекица е албанско село.

Според истражувањата од 1950 година. Родови во селото биле:

• Доселеници: Мали Цок (15 к.) доселени се од северна Албанија. Овде живеат од втората половина на XVIII век; Дервише (25 к.) доселени се од северна Албанија; Кале или Шеелар (18 к.) доселени се од местото Чаје во Љума, северна Албанија. Го знаат следното родословие: Имер (жив на 48 г. во 1950 година) Шукри-Џемаил-Муарем-Дурмиш, кој се доселил; Дибран (12 к.) доселени се од околината на Пешкопеја (Долен Дебар) во северна Албанија. Овде живеат од почетокот на XIX век; Укалар (17 к.) доселени се од северна Албанија; Ѓец (1 к.) потекнуваат од фисот Тсач во северна Албанија. Имаат роднини во селото Рамни Габер.

Археолошки наоѓалишта

• Исар — населба од доцноантичкото време. На границата од атарите на селата Вртекица и Рамни Габер се гледаат остатоци од утврдена населба.

• Св. Димитрија — средновековен сакрален објект. Во Шелско Маало се наоѓа текија со девет гробови која била изградена пред во последните децении на XVIII век врз темели на средновековна црква која, според преданието, била посветена на св. Димитрија. Дека селото било населено од христијанско македонско население сведочи податокот на листот 42 од Кодикот на манастирот Матка од 1570-1580 година, во кој како приложник од ова село е заведена „рабинката божја Тода“. Денешните муслимански жители започнале да се населуваат во селото кон крајот на XVII век.

Иселеништво

Околу 26 семејства се иселени во Скопје до 1950 година. Припаѓале на разни селски родови.

Поврзано

• Торбешија
• Општина Студеничани
• Студеничани

Надворешни врски

• Сателитска снимка на Вртекица на Карти на Гугл