Во Солуна Еди куле
| „Во Солуна Еди куле“ | |
|---|---|
| Песна | |
| Јазик | македонски |
| Жанр | македонска народна музика |
| Должина | 3:00 (Васка Илиева) |
„Во Солуна Еди куле“ — македонска народна песна. Песната е посветена на некојси јунак кој во песната, лежел ранет и болен во тврдината Еди-куле во Солун. Песната има патриотски и ајдутски карактер.
Текст[уреди | уреди извор]
-Во Солуна Еди куле,
ранет јунак лежи,
болен лежи, тага пати,
сè љуто го боли.
Над глава му славеј пиле,
тажна песна пее.
Проговара ранет јунак
на славеј пиле:
- Не пеј пиле тажна песна,
тук' иди до дома.
Јас си имам, славеј пиле,
до две машки деца.
Да им кажеш, славеј пиле,
зошто сум в' зандани.
Да пораснат, да се борат,
за да ме осветат.
Сум се борел за слобода,
за Македонија.