Војтех Равникар
Војтех Равникар | |
|---|---|
| Роден | 4 април 1943
Љубљана |
| Починал | 17 септември 2010 (на 67 г.)
Голник |
| Националност | Словенечко |
| Алма матер | Љубљнски Универзитет |
| Професија | Архитект |
| Препознатливо дело | Словенечки Национален Театар во Нова Горица |
Војтех Равникар (4 април 1943 – 17 септември 2010 година) — словенечки архитект.
Ран живот
[уреди | уреди извор]Равникар е роден во Љубљана, во тогашното Кралство Југославија, но поголемиот дел од детските години го поминал во градот Нова Горица во западна Словенија. По дипломирањето на Гимназијата Нова Горица, тој се запишал на Универзитетот во Љубљана и дипломирал архитектура.
Кариера
[уреди | уреди извор].jpg)
Равникар ја започнал својата архитектонска кариера во 1978 година и дизајнирал бројни познати згради во Словенија. Неговите најпознати згради се наоѓаат во приморскиот регион на земјата, вклучувајќи ја градската сала во Сежана, хотелот Пиран во Пиран и Националниот театар во Нова Горица.[1]
Равникар освоил бројни награди, вклучувајќи ја Наградата Плечник од 1987 година (награда за национална архитектура на Словенија), Меѓународната Награда Пиранези од 1990 година,[2] Наградата Прешерен од 2003 година (награда за национална уметност на Словенија) и Наградата Хердер од 2006 година (меѓународна награда за достигнувања во науката, уметноста или литературата)..[1][3]
Од 1993 година до неговата смрт, работел како професор на Универзитетот во Љубљана. Работел како гостин-професор на Универзитетот во Трст, Италија (2002), и на Универзитетот во Тренто, Италија (2004–2005).
Тој починал во Голник близу Крањ на 17 септември 2010 година, на возраст од 67 години.
Личен живот
[уреди | уреди извор]Равникар бил во брак со словенечката политичарка Мајда Ширца (Зарес).
- 1 2 „Architect Ravnikar and Actor Šugman Prešeren Laureates“. Slovenia News. 10 December 2002. Архивирано од изворникот на 5 October 2006. Посетено на 12 January 2007.
- ↑ Gmeiner, A.; Schaden, H.; Stadtplanung Wien (1992). WIENER ARCHITEKTURSEMINAR /VIENNA ARCHITECTURE. Edition Axel Menges. Ernst & Sohn. стр. 112. ISBN 978-3-433-02396-9. Посетено на 3 June 2021.
- ↑ „Herder-Preise 2006 an Künstler aus Osteuropa“. Hamburger Abendblatt (German). 1 February 2006. Архивирано од изворникот 28 September 2007. Посетено на 12 January 2007.CS1-одржување: непрепознаен јазик (link)