Вол (хороскопски знак)
Вол или бивол (кинески: 牛, пинјин: niú, мак. тр.: ниу) — второ од дванаесетте животни од кинескиот зодијак, поврзан со циклус во кинескиот календар и други календари.
Годината на волот се бележи со симболот на земската гранка чоу (丑). Постојат и месез на волот и час на волот. Второспоменатиот е всушност „двоен час“, од 01:00 до 03:00 ч. Годините на волот се разликуваат според циклусот на небесни стебла, така што постојат пет различни години на волот во период од 60 години. Секоја воловска година е поврзана со еден елемент: оган (火 хуо), вода (水 шуеј), дрво (木 му), метал (金 ѓин) и земја (土 ту).
Етимологија
[уреди | уреди извор]Кинескиот збор ниу (牛) може да се однесува на крава, бик, скопени говеда или бивол. Затоа, ова зодијачко животното нема подразбран пол.
Во зодијакот
[уреди | уреди извор]
Поимот „зодијак“ се однесува на класификацијата заснована на месечевиот календар каде секоја година има свое животно во повторлив 12-годишен циклус и тоа животно ја карактеризира годината. Циклусот е заокружување на орбиталниот период на Јупитер, кој трае 11,85 години. Иако потекнува од Кина, овој зодијак веќе долго време е одомаќинет (со извеснии измени) во другите источноазиски земји како Јапонија, Јужна Кореја, Виетнам, Камбоџа и Тајланд. Волот симболизира трудољубивост и трпение. Се смета дека луѓето со овој знак се многу истрајни и своеглави.
Големата трка
[уреди | уреди извор]Според старите преданија, Жадниот Цар одржал трка за да определи кои животни ќе бидат во календарот, и по кој редослед. Се состоела од трчање и пливање, и пред целта животние морале да преминат голема река. Бидејќи волот бил голем и силен, стаорецот го замолил волот да седи на грб, но неблагодарно скокнал во последен момент пред целта и ја освоил трката.
Годините и петте елементи
[уреди | уреди извор]
Луѓето родени во овие датумски опсези се родени во „Година на волот“, и може да носат еден од овие елементни знаци:[1][2]
| Почетен датум | Завршен датум | Небесна гранка |
|---|---|---|
| 31 јануари 1805 | 17 јануари 1806 | дрвен вол |
| 17 јануари 1817 | 4 февруари 1818 | огнен вол |
| 4 февруари 1829 | 24 јануари 1830 | земјен вол |
| 23 јануари 1841 | 9 февруари 1842 | метален вол |
| 8 февруари 1853 | 28 јануари 1854 | воден вол |
| 27 јануари 1865 | 12 февруари 1866 | дрвен вол |
| 13 февруари 1877 | 1 февруари 1878 | огнен вол |
| 31 јануари 1889 | 20 јануари 1890 | земјен вол |
| 19 февруари 1901 | 5 февруари 1902 | метален вол |
| 6 февруари 1913 | 25 јануари 1914 | воден вол |
| 24 јануари 1925 | 12 февруари 1926 | дрвен вол |
| 11 февруари 1937 | 30 јануари 1938 | огнен вол |
| 29 јануари 1949 | 16 февруари 1950 | земјен вол |
| 15 февруари 1961 | 4 февруари 1962 | метален вол |
| 3 февруари 1973 | 22 јануари 1974 | воден вол |
| 20 февруари 1985 | 8 февруари 1986 | дрвен вол |
| 7 февруари 1997 | 27 јануари 1998 | огнен вол |
| 26 јануари 2009 | 13 февруари 2010 | земјен вол |
| 12 февруари 2021 | 30 јануари 2022 | метален вол |
| 31 јануари 2033 | 18 февруари 2034 | воден вол |
| 17 февруари 2045 | 5 февруари 2046 | дрвен вол |
| 4 февруари 2057 | 23 јануари 2058 | огнен вол |
| 23 јануари 2069 | 10 февруари 2070 | земјен вол |
| 9 февруари 2081 | 28 јануари 2082 | метален вол |
| 27 јануари 2093 | 14 февруари 2094 | воден вол |
Месечев дом
[уреди | уреди извор]Во традиционалната кинеска астрологија и астрономија небото е поделено на различни астеризми, наречени и кинески соѕвездија. Ова е послично на зодијакот во западната астрологија отколку циклусот од дванаесет животни. Ѕвездите долж еклиптичката рамнина се поделени на групи наречени Дваесет и осум домови. Се сметало дека Месечината секоја ноќ преоѓа од еден до друг дом (или „логор“), па затоа овие се нарекуваат и Месечеви домови. Овие домови се делат на четири групи (од по седум) и се поврзуваат со четирите духовни суштества. Ова важи и за Годината на волот (чоу, 丑). Волот е во небесната област на мистичниот воин или Сјуенву,[3] Во современата астрономија, тука се ѕвездите околу Бета Бик.
Час на волот
[уреди | уреди извор]Часовите во стара Кина се делеле на 12 двојни часови. Секој од нив соодветствува на животно од кинескиот зодијак, со слична симболика и астролошко значење. Првиот двоен час трае од 11:00 до 01:00 ч.: ова е часот на стаорецот. Вториот е часот на волот, кој трае од 01:00 до 03:00 ч. и се нарекува чоу (丑).[4]
Основни астролошки елементи
[уреди | уреди извор]| Земска гранка: | 丑 чоу |
| Елемент: | земја |
| Страна на светот: | север-североисток |
| Јин-јанг: | јин |
| Месечев месец: | 8 јануари - 6 февруари |
| Годишно време: | зима |
| Надлежни часови: | 01:00 - 03:00 |
| Небесен војсководец: | санскрит: Чаундула (кинески: 招杜羅) |
| Среќни цвеќиња: | лале, зимзелени растенија, праскини цветови, роза |
| Среќни броеви: | 8, 3; Се одбегнуваат: 6, 9 |
| Среќни бои: | зелена, црвена, виолетова; Се одбегнуваат: бела, сина |
| Среќни/поврзани земји: | Јапонија, Индија, Финска, Швајцарија, Литванија, Унгарија |
Во други земји
[уреди | уреди извор]
Виетнамскиот зодијак има бивол наместо вол, а Гурунзите во Непал имаат крава.[5]
Поврзано
[уреди | уреди извор]Наводи
[уреди | уреди извор]- ↑ „When is Chinese New Year?“. pinyin.info. Посетено на 13 март 2018.
- ↑ „Year of the Ox, Cow: Love Compatibility, Horoscope, Personality – Chinese Zodiac Sign“. Your Chinese Astrology. Посетено на 13 март 2018.
- ↑ Wu, Zhonxian and Karin Wu (2014, 2016). Heavenly Stems and Earthly Branches:TianGan DiZhi. London and Philadelphia: Singing Dragon, ISBN 978-1-84819-208-9, 28 and 98
- ↑ Palmer, Martin, editor, et al., (1986). T'ung Shu: The Ancient Chinese Almanac. Boston: Shambala. ISBN 0-394-74221-4, 34
- ↑ Arina Sherchan (11 јули 2010). „Tamu (Gurung) Losar Festival“. Архивирано од изворникот на 29 јули 2017. Посетено на 9 јуни 2017.
Надворешни врски
[уреди | уреди извор]
Вол (хороскопски знак) на Ризницата ?- Страниза за волот (бивол) — Астромагазин (македонски)
| ||||||||
|