Волхов (град)

Од Википедија — слободната енциклопедија
Прејди на прегледникот Прејди на пребарувањето

Волхов ( руски: Волхов) е населено место со административен статус на град на северозапад на европскиот дел на Руската Федерација. Сместено е во централниот дел на Ленинградската област и административно му припаѓа на Волховскиот реон, кој е и административен центар.

Волховскиот културен центар

Волхов се развил како работничка населба на вработени на изградбата на Волховската хидроцентрала во 1918 година. Сегашното име го носи од 1940 година, а пред тоа бил познат и како Званка (до 1933 година) и Волховстрој. Градот има административен статус од 1933 година.

Според проценките на Националната статистичка служба за 2014 година во градот живееле 46 589 жители.

Географија[уреди | уреди извор]

Градот Волхов се наоѓа на бреговите на истоимената река (притока на Ладога ), по што го доби своето име и се наоѓа во централниот дел на Ленинградската област. Центарот на градот лежи на надморска височина од 33 метри. Се наоѓа на околу 141 километар источно од Санкт Петербург. На само 6 километри северно од градот се наоѓа селото Стара Ладога, древна престолнина на рускиот народ .

Вкупната површина на градската територија е 108,21 км².

Волхов е еден од најважните железнички центри во тој дел од земјата, а со железница е поврзан со Санкт Петербург, Москва, Мурманск и Екатеринбург. Фактот дека Волхов има дури 4 железнички станици (Волховстрој 1, Волховстрој 2, Мурманска врата и Новооктомвриска) доволно зборува за важноста на железничкиот сообраќај во градот.

Историја[уреди | уреди извор]

Терминал на железничка станица Волховстрој 1

Првото населено место во подрачјето на денешниот град било Михајловска погост на Волховските брзаци, што се споменува во еден летопис поврзан со статистиката на Водската пјатина од 1500 година. Сепак, сегашната населба е создадена пет века подоцна.

За време на изградбата на железницата Санкт Петербург - Вологда во 1904 година била железничката станица Званка, која 12 години подоцна станала почетен дел од линијата до Мурманск на север. Во 1918 година започнала изградбата на голема хидроцентрала на Волхов, а паралелно со неа била основана и населбата Волховстрој, во која живееле вработените на градилиштето на хидроцентралата. Работата на електраната заврши во 1926 година, а Волховската хидроцентрала станала првиот капитален хидроенергетски објект на територијата на тогашна Русија (електраната денес е на списокот на културно и историско наследство на Руската Федерација). Волховстрој во 1925 година добил официјален статус на работнички град, а две години подоцна бил припоен кон населбата Званки, која се наоѓала на спротивниот брег на реката.

Во 1929 година недалеку од хидроцентралата, изграден е алуминиумски комбинат, првиот индустриски објект од ваков вид во Русија.

Работничкото гратче Званка во 1933 година е преименувано во Волховстрој, кој исто така го добил официјалниот статус на градот. Сегашното име на градот е од април 1940 година

За време на Сталинистичките чистки од 1937-1938 година околу 300 жители на Волховстрој биле застрелани под различни обвиненија.

Градот е основан во 1970 година одликуван со Орден на Октомвриската револуција .

Демографија[уреди | уреди извор]

Според податоците од пописот во 2010 година во градот живееле 47 182 жители, додека според проценките на Националната статистичка служба за 2014 година градот имал околу 46 589 жители.

Движење на бројот на жителите
1939 година 1959 година 1970 година 1979 година 1989 година 2002 година 2010 година 2014 година
29 413 36 630 47 025 49 696 50 325 46 596 47 182 46 589

Меѓународна соработка[уреди | уреди извор]

Градот Волхов потпиша договори за партнерство и соработка со следниве градови:

Види повеќе[уреди | уреди извор]

Користена литература[уреди | уреди извор]

Надворешни врски[уреди | уреди извор]