Влијанието на парите и кредитите врз стопанските движења

„Влијанието на парите и кредитите врз стопанските движења: теориска и емпириска анализа“ — книга на македонскиот економист Љубе Трпески, објавена од издавачката куќа „Студентски збор“ во 1983 година. Рецензенти на книгата се Ксенте Богоев и Димитрије Димитријевиќ. Книгата била испечатена со материјална поддршка од Општата самоуправна интересна заедница на научните дејности — Скопје. Авторот му ја посветил книгата на својот починат татко. Книгата, со обем од 307 страници и со димензии од 24 сантиметри, била испечатена во печатницата „Просвета“ во Куманово, во тираж од илјада примероци. Јазичната редакција, техничкото уредување и коректурата ги направил Јован С. Стојановски. Книгата е каталогизирана во НУБ „Климент Охридски“ — Скопје, но без меѓународната ознака ISBN.

Содржина

Книгата се состои од три дела:

• Теоретски сфаќања за неутралноста на парите во стопанскиот живот
• Класичните варијанти на квантитативната теорија за влијанието на парите врз стопанските движења
• Кејнсијанската „револуција“ во монетарната теорија
• Реформулирана квантитативна теорија или „контрареволуија“ во монетарната теорија
• „Portfolio Balance“ теоријата за влијанието на парите врз економската активност
• „Wealth Adjustment“ теоријата за влијанието на парите врз стопанскире движења
• Екстремните позиции на „Radcliffe Report“
• Hicks-овата синтеза на класичната и Кејнсовата теорија
• Сфаќањата за т.н. „time lag“ на монетарната политика во одделни теории
• Сфаќања за т.н. трансмисионен механизам на ефектите на парите и кредитите врз стопанските движења во одделни теории
• Квантитативни модели за испитување на ефектите на монетарните агрегати во стопанските движења

II дел

• Марксовата теорија за улогата и значењето на парите
• Некои погледи за улогата и значењето на парите во земјите со административен социјализам

III дел. Влијанието на парите и кредитите врз стопанските движења во Југославија

• Институционални претпоставки за влијанието на парите и кредитите врз стопанските движења во Југославија
• Улогата и значењето на кредитно монетарната политика во стопанскиот систем на Југославија
• Механизамот на монетарно-кредитното регулирање во Југославија во периодот по економската реформа од 1965 година
• Одредување на потребното количество пари и проблемите сврзани со тоа
• Брзината на оптокот на парите и стопанската активност во Југославија
• Ефекти од нерамнотежата меѓу понудата и побарувачката на пари и кредити
• Трансмисиониот механизам на пренесување на ефектите од парите и кредитите врз стопанските движења во Југославија
• Пролегомена за теоретските и квантитативните истражувања за влијанието на парите и кредитите врз стопанските движења во Југославија
• Наши квантитативни истражувања за парите и кредитите врз стопанските движења во Југославија во периодот 1966-1978 година

• Дефинирање на монетарните агрегати
• Дефинирање на агрегатите на домашната потрошувачка и стопанските движења
• Методологија на анализата
• Анализа на добиените резултати

• Основни заклучоци
• Прилог — Оригинални и десезонирани податоци на монетарните и реалните агрегати
• Библиографија

За делото

Книгата, всушност, ја претставува скратена и изменета верзија на докторската дисертација која авторот ја одбранил на 31.3.1980 година на Економскиот факултет во Скопје, под менторство на Ксенте Богоев. Централното прашање кое се разработува во неа е влијанието на парите и кредитите врз стопанските движења во Југославија. Во првиот дел од книгата се претставени теоретските сфаќања за влијанието на парите и на кредитите врз стопанските движења. Во вториот дел се разработени Марксовите сфаќања за ова прашање, како и некои погледи за улогата на парите во советската и во полската економска литература. Најпосле, во третиот дел се анализира влијанието на парите и на кредитите врз стопанските движења во Југославија.

Во рецензијата на книгата се истакнува дека таа дава значаен придонес кон југословенската монетарна теорија и пракса. Во теориска смисла, книгата дава одговори на основните прашања за влијанието на парите врз реалните движења, а во практична смисла, таа дава резултати кои се непосредно применливи во монетарната анализа и во монетарното планирање, а особено во формирањето на целите и задачите на монетарно-кредитната политика.