Влахомеглен

Од Википедија — слободната енциклопедија
Прејди на прегледникот Прејди на пребарувањето

Влахомеглен претставува етногеографска област во Македонија, денес поделена меѓу Грција и Република Македонија. Влахомеглен е помал предел во состав на пошироката област Меглен, во нејзиниот североисточен дел.

Територија и населени места[уреди | уреди извор]

Само три села во Влахомехлен се наоѓаат на територијата на Република Македонија, тоа се селата во Гевгелиско, во југоисточните падини на Кожуф: Хума, Серменин и Конско. Во политичките граници на Грција се наоѓаат села Баровица, Купа, Мала Ливада, Лесково, Тушин, Нонте (Н'нте) и др. Вкупниот број на влахомегленските села изнесува 15. Во нив живеат Власи (во помал број дојдени од други делови од Македонија), освен во Лесково и Тушин во кои живеат Македонци.[1]

Население и занимање[уреди | уреди извор]

Од вкупно 14.000 жители во Влахомеглен колку што живееле во 1890 година, мнозинството од работоспособното население се занимавало со земјоделство и со одгледување на свилената буба. Исклучок чини населението од најголемото влахомегленско село Нонте, кое се занимавало со грнчарство. Влахомегленските Власи, воопшто земено, значително се разликуваат од другите Власи од Македонија. Тие зборуваат на посебен дијалект, имаат поинаква носија итн., а самите тие наместо А’рмни се нарекуваат со македонскиот етником Власи. Многумина од нив, наместо влашкиот го користат македонскиот јазик.[2]

Наводи[уреди | уреди извор]

  1. Македонци, Милош Константинов, 1992, стр.120
  2. Македонци, Милош Константинов, 1992, стр.120