Влахина Река

Од Википедија — слободната енциклопедија
Прејди на прегледникот Прејди на пребарувањето
Влахина Река
Vlahinska reka IMG 2145.jpg
Долината на Влахина Река кај нејзиниот истек од Влахинските Езера, гледана од Кабата
Други имињаКркиица
МестоПиринска Македонија, Бугарија
Слив
Главен изворВлахини Езера, Пирин
2.302 м
УстиеСтрума кај Кресна
180 м
41°43′49″ СГШ; 23°09′19″ ИГД / 41.7303° СГШ; 23.1553° ИГД / 41.7303; 23.1553Координати: 41°43′49″ СГШ; 23°09′19″ ИГД / 41.7303° СГШ; 23.1553° ИГД / 41.7303; 23.1553
ТечениеСтрумаЕгејско Море
Сливна повр.108 км2
Физички особености
Должина27 км
Проток

Влахина Река или Влахинска Река (бугарски: Влахина Река, Влахина река); до 14 јули 1988 г. Кркиица (Къркийца)[1]река во Кресненско, Пиринска Македонија, лева притока на Струма. Долга е 27 км и одводнува делови од западните падини на Пирин.

Реката извира од северозападниот агол на највисокото (2.302 м.н.в.) и најголемото од Влахините Езера на Пирин, сместени во истиоиениот цирк, југозападно од Вихрен (Елтепе). Најпрвин тече низ длабока ледничка долина, заобиколувајќи го од исток, север и запад пиринскиот срт Гредаро, па продолжува на југозапад во мошне пошумено подрачје. Откако ќе сврти на запад близу маалото Дракулово на с. Влахи, долината станува пуста и силно еродирана. Се влева во Струма како нејзина лева притока, на 180 м.н.в., некои 300 м североисточно од градот Кресна.

Сливот на Влахина Река зафаќа 108 км2, што сочинува 0,62 % од сливното подрачје на Струма.

Главни притоки: → лева, ← десна

  • → Гредарска Река
  • → Ѓорѓиица
  • → Синаница
  • ← Пештерско Дере
  • → Раскола
  • → Шаралиска Река
  • ← Косовска Река (најголема)
  • ← Рабишево Дере

Се напојува главно дожд и стопен снег. Полноводност достигнува во мај, а најслабоводна е во август. Средниот годишен истек во устието изнесува 1,69 м3, а во периодот на топење на снегот количеството на вода знае да биде десетратно поголем (највисок забележан истек е 14,6 м3. Средниот наклон на реката изнесува 81 ‰.

По течението на реката в Општина Кресна е сместено само селото Влахи, по кое е наречена самата река.

Дел од водите на Влахина Река во горното течение се користат за водоснабдување на Кресна и неколку села во околината.

Извори[уреди | уреди извор]

  • Мичев, Н и Ц. Михайлов, И. Вапцаров и Св. Кираджиев, Географски речник на България, София 1980 г., стр. 114 – 115.

Наводи[уреди | уреди извор]

  1. Научноинформационен център „Българска енциклопедия“ (2015). Промени в наименованията на физикогеографските обекти в България 1878 – 2014 г. София: Книгоиздателска къща „Труд“. p. 44. ISBN 978-954-398-401-5.

Надворешни врски[уреди | уреди извор]