Владимир Георгиевски

Од Википедија — слободната енциклопедија
Прејди на прегледникот Прејди на пребарувањето
Владимир Георгиевски
Роден(а)1 јуни 1942
Скопје,  Кралство Југославија
Починал(а)25 мај 2017
Скопје, Македонија Македонија
Националностмакедонец
Занимањеликовен уметник

Владимир Георгиевски (Скопје, 1 јуни 1942 - Скопје, 25 мај 2017) — македонски сликар.


Биографија[уреди | уреди извор]

Георгиевски е роден е на 1 јуни 1942 во Скопје, од татко Ефтим и мајка Фотка. По завршувањето на средното уметничко училиште во Скопје се запишал на Академијата за ликовни уметности во Белград. Диполимирал во 1968 година. Постдипломските студии ги завршил на истата Академија во класата на професор Младен Србиновиќ.

Работел и како професор на Архитектонскиот факултет и Факултетот за драмски уметности во Скопје.

Починал на 25 мај 2017 во Скопје.

Творештво[уреди | уреди извор]

Во целокупното творештво на Владимир Георгиевски, човекот и неговата судбина се постојана тема, естетска провокација и креативна преокупација. Георгиевски има поминато низ неклку фази на уметничко изразување, но секогаш успешно сочувувајќи ја нагласената оригиналност. Во неговите слики, цртежи, рељефи, скулптури, театарски костимографии и сценографии се редат актери од сите слоеви на цивилизацијата: шпанскиот благородник Дон Кихот, Достоевски, Бах, Бетовен. Адам и Ева се исто така живи во опусот на Георгиевски, како и светото тројоство, драмата на распнувањето и оплакувањето. Мотивите на старите чевли, лебот, камењата, сувите лисја потсетуваат на трагите на човековото постоење.

Владимир Георгиевски исто така создал сценографски и костимографски решенија за преку 30 театарски претстави во Македонија и во земјите на поранешна Југославија.

Реализирал студиски патувања во Италија, Франција, Русија, Велика Британија, САД, Белгија и Холандија.

Самостојни излагања имал во Скопје, Белград, Истанбул, Виена, Рим, Киев, Софија и Санкт Петербург.

Наводи[уреди | уреди извор]

Надворешни врски[уреди | уреди извор]

Официјална веб страна: vladimir-georgievski.com

Cooltura.mk: Интервју со Владимир Георгиевски (македонски)

Cooltura.mk: Видео интервју - Секој од нас е Дон Кихот (македонски)

Изложба 'Страдањата на Дон Кихот' во Музејот на град Скопје, 2016 (македонски)

Во музејот на Достоевски претставена изложба на уметникот Владимир Георгиевски (руски)

Изложба на македонскиот сликар Владимир Георгиевски (бугарски)

Изложба на Георгиевски во Софија (бугарски)

М-р Владимир ГЕОРГИЕВСКИ (1942), сценограф, костимограф, академски сликар и педагог