Винка Саздова

Винка Саздова
Винка Саздова
Роден/а	10 август 1956. (67 г.); Стрезовце, НР Македонија, ФНРЈ
Занимање	Писател
Националност	Македонка
Народност	Македонка
Апсолвент на	Филозофски факултет - Скопје

Винка Саздова (Стрезовце, 10 август 1956) — македонска писателка и основач на Издавачкиот центар ТРИ во Скопје.^[1]

Животопис[уреди | уреди извор]

Винка Саздова е родена на 10 август 1956 година во Стрезовце, Македонија . На Филозофскиот факултет во Скопје дипломирала на отсекот Психологија. Била вработена како новинарка во редакцијата за култура на дневниот весник „Вечер“, уредничка за култура на весникот „Република“. Потоа работела како соработник во издавачката куќа „Култура“, како директор и главен уредник на издавачката куќа „Зумпрес“. Таа го основала „Издавачкиот центар Три“ во 1999 година и била негов главен уредник десет години.^[1]

Творештво[уреди | уреди извор]

Со книжевност почнала да се занимава од 2009 година. Ги објавила романите (Последниот чај, 2009), Полиња со диви нарциси, 2011, Понекогаш доаѓа среќа, 2013, Луна, 2015 и Вилино, 2019. Двапати била прогласена за најчитана авторка: во 2012 година од НУБ „Св. Климент Охридски“ Скопје, а во 2014 година од Градската библиотека „Браќа Миладиновци“ Скопје. Моментално живее и работи во Скопје и Охрид.^[1] Нејзините дела се преведени на српски, хрватски и бугарски.^[2]