Вилко Укмар
Вилко Укмар (10 февруари 1905, во Постојна – 24 октомври 1991 година, во Љубљана) бил словенечки композитор.[1]
Студирал музика на Љубљанскиот музички конзерваториум, Музичката академија во Загреб и Виенскиот конзерваториум. Од 1932 до 1939 година работел како музички критичар и издавач. Помеѓу 1939 и 1945 година, тој бил директор на Љубљанската опера. Од 1948 до 1974 година предавал на Музичката академија во Љубљана, а од 1962 до 1979 година предавал и на Факултетот за уметности во Љубљана .
Во 1967 година ја добил Прешерновата награда за балетската композиција Годец (музичар). Бил почестен и со Прешерновата награда за животно дело во 1985 година. Неговата музика првично се потпирала на романтична музика, но подоцна тој преминал кон експресионистичка музика и техника на дванаесет тонови.
Неговиот син, Кристијан Укмар, е диригент и професор по музика.
Музички опус
[уреди | уреди извор]- Кинески славеј , танцова пантомима, 1953 година
- Убавата Вида, балет, 1957 година
- Музичар, балет, 1963 година
Наводи
[уреди | уреди извор]- ↑ „Ukmar, Vilko (1905–1991) - Slovenska biografija“. www.slovenska-biografija.si. Посетено на 2021-05-30.