Википедија:1Lib1Ref 2025

#1Lib1Ref   од 15 јануари до 5 февруари 2025 година   #1Lib1Ref 2025 — меѓународна иницијатива во облик на натпревар за наведување извори во статии коишто се без наводи или содржат непотврдени изјави. Главна цел на иницијативата е подобрување на цитираноста на Википедија во насока на создавање поквалитетна и поверодостојна енциклопедија. Натпреварот се организира на локално ниво, односно на Википедија на македонски јазик, и на регионално ниво, односно во Средна и Источна Европа. Сите заинтересирани лица коишто располагаат со веродостојни извори коишто може да послужат за поткрепување на содржината во статиите се добредојдени да земат учество во натпреварот следејќи го упатството за учество, а на најплодотворните учесници во натпреварот како на локално, така и на регионално ниво им биле доделени награди и уверенија. Упатство за учество Основни податоци Почеток: 15 јануари 2025 г. во 00:00 (CET). Крај: 5 февруари 2025 г. во 23:59 (CET). Место на одржување: секое место со пристап до интернет. Пријава Чекор 1: Создајте корисничка сметка тука или најавете се доколку веќе имате. Чекор 2: Додадете го корисничкото име во списокот на учесници. Придонес Чекор 1: Пронајдете статија без наводи или статија којашто содржи непотврдени изјави. Со цел да се олесни пребарувањето на ваквите статии, се препорачува да се користи алатката Лов на наводи. Од помош може да бидат и следните списоци: Статии без извори Статии со непотврдени изјави Статии во коишто се бара извор Чекор 2: Пронајдете веродостоен извор со којшто ќе ја поткрепите содржината во статијата. Чекор 3: Наведете го изворот согласно напатствието за наведување извори. Чекор 4: Во описот на измената задолжително внесете #1Lib1Ref и #1Lib1RefCEE. (Ова е многу важен чекор затоа што инаку уредувањата нема да бидат преброени.) Напомена: Секој навод се препорачува да се додаде во посебно уредување затоа што бројот на придонеси соодветствува на бројот на направени уредувања со бараниот опис. Наведувањето извори е потребно да се врши исклучиво во постоечки статии, така што новосоздадените статии нема да бидат земени предвид како придонес во натпреварот. Список на учесници Своето учество во натпреварот може да го најавите со додавање на корисничкото име во продолжение. Тиверополник Bibliotekarska5 Bojan9Spasovski Jashko002 SirGoldenBlade Lili Arsova Михаил Милевски П.Неделковски Награди Месни награди Награди во облик на вредносни купони за книги или техничка опрема им биле доделени на тројцата најплодотворни учесници, и тоа: Прва награда: купон во вредност од 6.000 денари. Втора награда: купон во вредност од 4.000 денари. Трета награда: купон во вредност од 2.000 денари. Важно: За да се освои било која награда, потребно било да се наведат најмалку 100 извори во најмалку 50 различни статии! Резултати Број Корисник Збирен резултат1 Додадени наводи Збогатени статии 1 Тиверополник 978 562 416 2 Bibliotekarska5 520 295 225 3 P.Nedelkovski 281 175 106 4 Lili Arsova 218 162 56 5 Jashko002 60 34 26 6 XavieraMars 20 10 10 7 SirGoldenBlade 2 1 1 8 Bojan9Spasovski 0 0 0 1 Збирниот резултат претставува збир на бројот на додадени наводи и бројот на збогатени статии. Надворешни врски The Wikipedia Library/1Lib1Ref — службена страница на иницијативата на Мета.