Википедија:Уредувачки натпревари/СИЕ Пролет 2023

Од Википедија — слободната енциклопедија
Уредувачки натпревар „СИЕ Пролет 2023“

 

од 4 април до 4 мај 2023 година

 

Уредувачки натпревар „СИЕ Пролет 2023“ или само СИЕ Пролет 2023 — проект на здружението на граѓани „Споделено знаење“, Википедија на македонски јазик и сите заедници во Средна и Источна Европа, кој има за цел да помогне во подобрување на постоечките и создавање на нови статии на различни теми од сите држави во рамките на регионот Средна и Источна Европа (СИЕ).

Натпреварот почнува на 4 април 2023 г. во 00:00 ч. и завршува на 4 мај 2023 г. во 23:59 ч. по македонско време.

Доколку сте заинтересирани за учество, пријавете се подолу (со напатствија).

Учесниците во рамките на натпреварот треба да уредуваат статии кои се предложени во рамките на долунаведените списоци по земја од областа Средна и Источна Европа. Секоја од создадените или дополнетите статии означувајте ги со предлошката {{СИЕ Пролет 2023}} на страниците од разговор. Доколку имате некои прашања, поставете ги во разговорот на истава страница, при што ќе бидат одговорени од нашите корисници.

Сите статии треба да бидат напишани во склад со начелата и правилата на Википедија, па така сите статии треба да бидат напишани на енциклопедиски стил и да имаат извори. При уредување на натпреварот или по завршувањето на истиот, сите учесници треба да се запишат со кои статии учествувале.

Статиите ќе ги прегледува оценувачки одбор којшто ќе биде составен од тројца википедијанци кои не можат да учествуваат на натпреварот. Оценувачкиот одбор ќе ја донесе конечната одлука за победникот.

Членовите на оценувачкиот одбор ќе ги прегледаат сите статии и секоја ќе ја бодуваат поединечно со бодови од 1 до 10.

Член на оценувачкиот одбор може да даде и оцена 0 доколку смета дека статијата воопшто не ги задоволува условите на натпреварот (на пример, да има различна тема од зададената). На натпреварот не влегуваат статии напишани за Македонија од страна на македонските уредници, односно пријавените уредници треба да пишуваат за статии од предложените списоци по земја (зададени подолу). На натпреварот не се признаваат статии напишани автоматски, односно со помош на бот.

Покрај пишувањето на нови статии, учесниците имаат прилика и значајно да дополнат постоечка статија (никулец), така што оценувачкиот одбор ќе оценува колкав е новиот дел и бодовите ќе бидат доделени за тој дел.

Победникот на натпреварот ќе биде учесникот кој ќе собере најмногу бодови.

Во натпреварот имаат можност да учествуваат сите регистрирани корисници на Википедија на македонски јазик освен членовите на оценувачкиот одбор, а за најдобрите учесници се обезбедени награди.

Список на натпреварувачи[уреди извор]

Евиденција

Додајте го своето име доколку сакате да учествувате, користејќи тараба и четири тилди (~). Воедно, пријавете и на страницата „Евиденција“ наведена погоре, каде што ќе создадете и своја лична страница за следење на Вашите придонеси.

  1. --Тиверополник (разговор) 21:57, 3 април 2023 (CEST)[одговори]
  2. Ivka20 (разговор) 08:43, 4 април 2023 (CEST)[одговори]
  3. Chnitke (разговор) 20:15, 5 април 2023 (CEST)[одговори]
  4. 19user99 (разговор) 07:32, 17 април 2023 (CEST)[одговори]
  5. MkdElena (разговор) 17:01, 17 април 2023 (CEST)[одговори]

Предлози за статии[уреди извор]



Материјали[уреди извор]

Корисниците може да користат свои материјали поврзани со земјите од областа на Средна и Источна Европа, другите јазични изданија и особено Википедијата од која и потекнува самиот предмет/објект за кој се пишува статијата.

Членови на оценувачкиот одбор[уреди извор]

  1. Kiril Simeonovski (О1)
  2. Ehrlich91 (О2)
  3. Инокентиј (О3)
  • Станете член на оценувачкиот одбор за следните уредувачки натпревари, преку испраќање порака на корисникот Ehrlich91.

Награди[уреди извор]

Наградите за овој натпревар се предвидени да бидат вредносни купони за техничка стока и ваучери за книги. Наградите ќе бидат купени по завршувањето на уредувачкиот натпревар во вид на ваучери од продавница со седиште во Македонија. Доколку сакате ваучер од специфична продавница или книжарница, ве молам наведете ни, по завршувањето или за време на траењето на натпреварот. Одбраните корисници на наградите треба да си ги подигнат наградите во просториите на Споделено знаење, во зградата на Сивус Бизнис Инкубатор.

На натпреварот ќе се доделат три награди за најдобрите тројца уредници, кои ќе бидат прогласени по оценувањето на статиите од страна на оценувачкиот одбор.

Награда ќе биде доделена и за најдобрата статија, која исто така ќе биде прогласена од страна на оценувачкиот одбор.

Ќе бидат доделени и следниве награди:

  • „најдобар постоечки или нов корисник“: награда која ќе се додели на корисник со регистрирана корисничка сметка пред почетокот на натпреварот и кој претходно не учествувал на овој регионален уредувачки натпревар организиран во овој формат (во периодот 2015-2022) или пак отворил сметка по почетокот на натпреварот;
  • „најмногу уредени статии од различни земји“: награда која ќе биде доделена на корисник, кој ќе уреди (создаде или подобри) статии за најмногу различни земји кои учествуваат во натпреварот.

Секој учесник има право на најмногу две награди во сите категории.

За да може некој учесник да добие награда во некоја од категориите, мора да има напишано/подобрено најмалку 20 статии од списоците на другите учесници во натпреварот и истите да бидат оценети со просечна оценка од најмалку 2,0 од страна на членовите на оценувачкиот одбор).

I награда[уреди извор]

Вредносен купон во вредност од 10.000 денари.

II награда[уреди извор]

Вредносен купон во вредност од 5.000 денари.

III награда[уреди извор]

Вредносен купон во вредност од 3.000 денари.

Награда за најдобра статија[уреди извор]

Вредносен купон во вредност од 4.000 денари.

Награда за најдобар постоечки корисник[уреди извор]

Вредносен купон во вредност од 2.000 денари за најдобар постоечки корисник, кој претходно не учествувал на уредувачките натпревари „СИЕ Пролет“.

Награда за најмногу уредени статии[уреди извор]

Вредносен купон во вредност од 2.000 денари за најмногу уредени статии од различни земји учеснички на натпреварот.

Меѓународни награди[уреди извор]

Награди ќе бидат доделени и за најпродуктивните уредници на теми поврзани со жени и човекови права на меѓународниот натпревар во рамки на поднатпреварите „СИЕ Жени“ и „СИЕ за човековите права“ соодветно. Планирано е да бидат доделени по десет награди во секој од двата поднатпревара, и тоа:

  • Прва награда: вредносен ваучер од 50 евра.
  • Втора награда: вредносен ваучер од 40 евра.
  • Трета награда: вредносен ваучер од 30 евра.
  • Четврта награда: вредносен ваучер од 20 евра.
  • Од петта до десетта награда: вредносен ваучер од 10 евра.

Наградите ќе бидат во облик на вредносни ваучери од Амазон.

Уверенија[уреди извор]

Секој учесник е во конкуренција да освои уверение на меѓународниот натпревар доколку:

  • напише барем по една статија од секој список на земјите учеснички на натпреварот;
  • биде еден од десетте најпродуктивни учесници на меѓународниот натпревар; и
  • биде една од десетте најпродуктивни жени учеснички на меѓународниот натпревар.

Резултати[уреди извор]

Списокот на оценети статии е достапен на страницата со евиденција. Во табелата во продолжение се рангирани учесниците врз основа на збирниот резултат на оценките доделени од страна на членовите на оценувачкиот одбор.

Број Корисник Збирен резултат
1 Тиверополник 1.339
2 19user99 691
3 Ivka20 234
4 Chnitke 152
Награда за најдобра статија
Награда за најдобар постоечки корисник
  • Наградата не е доделена.
Најмногу уредени статии
  • 19user99 со 55 уредени статии за 39 различни земји учеснички.