Уредувачка седмица „Родов јаз 2021“ (целосен назив: Седмица на родов јаз 2021; Gender Gap 2021) — иницијатива на шведската амбасада во Скопје, здружението на граѓани „Споделено знаење“ и Википедија на македонски јазик, која има за цел да помогне во подобрување на постоечките и создавање на нови статии на тема „Родов јаз“ со особено внимание на пишување статии за познати и влијателни шведски и македонски жени.
Седмицата започнува на 16 ноември 2021 г. во 00:00 ч. (по завршувањето на виртуелното издание на WikiGap Skopje 2021) и завршува на 22 ноември 2021 г. во 23:59 ч. по македонско време.
Доколку сте заинтересирани за учество, пријавете се подолу (со напатствија).
Сите статии треба да бидат напишани во склад со начелата и правилата на Википедија, па така сите статии треба да бидат напишани на енциклопедиски стил и да имаат извори. При уредување на натпреварот или по завршувањето на истиот, сите учесници треба да се запишат со кои статии учествувале.
Покрај пишувањето на нови статии, учесниците имаат прилика и значајно да дополнат постоечка статија (никулец).
Во натпреварот имаа можност да учествуваат сите регистрирани корисници на Википедија на македонски јазик, а за најдобрите учесници се обезбедени награди.
Анимирано лого за настани за надминување на родовиот јаз
Википедија е најголемата и најкористена светска онлајн енциклопедија, чија содржина се создава од бројни доброволци. Од нејзиното создавање во 2001 година има околу 50 милиони статии на над 300 јазици, а македонското јазично издание има над 118.000 статии и целта е да го собере целото човеково знаење на македонски јазик; знаење кое е бесплатно, слободно и лесно пристапно до секого.
Но, како и во други делови на општеството, постои родова нееднаквост на самата Википедија во однос на застапеност на статии за жени и за прашања поврзани со женските права или родовата еднаквост. Глобална статистика е дека има 4 пати повеќе статии за мажи отколку за жени и 90% од содржината е создавана од мажи. Иако овие бројки имаат регионални варијации, јасен е фактот дека информациите поврзани со жените се многу помалку застапени од тие за мажите.
Затоа, шведската амбасада со поддршка на Споделено знаење (Википедија на македонски јазик), ќе организира WikiGap уредувачки маратон и уредувачка седмица за зголемување на бројот на текстови за влијателни жени.
WikiGap е всушност глобална шведска иницијатива со идеја за премостување на овие разлики и родови нееднаквости кои опстојуваат во онлајн светот, која до сега генерираше околу 50.000 нови или проширени биографии на жени на Википедија.
Чекор 1: Создајте корисничка сметка тука или најавете се доколку веќе имате.
Чекор 2: Додека сте најавени, пријавете се со своето корисничко име на контролната табла на иницијативата. Ова овозможува преглед на сите уредувања направени за време на уредувачката седмица.
Кратко видео-упатство за тоа како се користи алатката за превод на статии на Википедија (видеото е со македонски превод)
Во овој дел е направен преглед на корисни материјали за уредување, наведен е список со потребни статии, а прикажана е и табела за евиденција на придонесите. Додавањето нови содржини може да се врши преку превод на содржини од другите јазични изданија на Википедија, но особено се охрабрува дополнување со информации од други расположливи материјали. Препорака за новите и помалку искусни корисници е да ја користат алатката за превод на статии на Википедија (видео-упатство од десната страна).
За да се запишете во списокот по двете точки запишете го вашето корисничко име, како и после големата црта. (пример: Корисник:Ehrlich91|Ehrlich91).
За да ги запишувате вашите статии во списокот служете во секоја заграда запишувајте ја статијата која сте ја уредиле и означувајте дали се работи за нова или подобрена статија (пример: Ана Линд (Н)).
1 Збирниот резултат претставува вкупен број додадени бајти во уредените статии, кој е пресметан на контролната табла на иницијативата на којашто биле пријавени сите учесници.
