Википедија:Почетен курс (Не заборавајте)

Од Википедија — слободната енциклопедија
Почетен курс   Уредување   Форматирање   Викиврски   Википроекти   Надворешни врски   Разговорни страници   Не заборавајте   Зачленување   Заклучок    

Постојат некои работи кои треба да ги имате на ум кога ја уредувате Википедија.

Без свои истражувања[уреди извор]

Википедија не е место за „сопствени истражувања“ — т.е. нови теории и сл., кои не се целосно докажани или потврдени. За повеќе информации, видете Што не е Википедија.

Исто така ги обесхрабруваме авторите да пишуваат за себе или за своите достигнувања, бидејќи ова претставува конфликт на интереси. Ако имате направено значителни успеси, некој друг евентуално ќе напише статија за Вас.

Неутрална гледна точка[уреди извор]

Правило при уредувањето на Википедија е она на „неутрална гледна точка“, често скратено како „НГТ“. Ова правило вели дека ги прифаќаме сите важни гледишта на еден проблем. Наместо една перспектива, ние ги прикажуваме сите релевантни гледни точки без да им судиме. Нашата цел е да информираме, а не да убедуваме. Ова правило НЕ значи дека нашите статии се 100% објективни, бидејќи во секој конфликт сите страни вреуваат дека нивниот поглед е „правилен“.

ОК е да давате мислења во статии, но тие мора да бидат презентирани како мислења, а не како факти, Исто така, добра идеја е да им придавате атрибути на овие мислења, како на пример: „Поддржувачите на ова велат дека...“ или „Познатиот коментатор X верува дека...“

Можно е да најдете дискусии за статии во кои се вели дека е оспорена неутралноста. Овде станува збор за статии кои се очигледно напишани од една перспектива. Маркетингот на производи е во оваа категорија, како и политичката определеност. Во помалку екстремни случаи, статиите имаат проблеми со неутралноста ако значително подолго дискутираат само еден поглед во однос на друг со иста важност, и покрај тоа што погледот е презентиран на неутрален начин.

Бидете внимателни ако го посветите своето време во уредување на контроверзни статии во теми како што се политиката или религијата и запомнете да останете смирени и објективни кога дебатата ќе се вжешти. Ако се посветите на помалку емоционални теми, на пр. статии за видео игри или филмови, пак запомнете да ја чувате својата неутралност.

Наведувајте извори[уреди извор]

Википедија бара да ги наведување изворите за информацијата со која придонесувате. Сите извори треба да бидат во список под оддел наречен „Наводи“. Ако постојат некои мрежни места кои можат да му бидат од посебен интерес на читателот во врска со темата, тие треба да бидат содржани во список под оддел наречен „Надворешни врски“, а книги од посебен интерес за темата треба да бидат наведени во одделот „Понатамошно читање“, но само ако тие не се користени како извори за статијата. Наводите им помагаат на нашите читатели да го потврдат она што сте го напишале и да најдат повеќе информации.

Видете Википедија:Наведувајте извори за повеќе информации.

Авторски права[уреди извор]

Не поднесувајте заштитен материјал без дозвола. Кога додавате информации во статиите, бидете сигурни дека се напишани со свои зборови. Запомнете дека сите информации најдени на интернет се заштитени освен ако мрежното место специфично не го тврди спротивното. Особено бидете внимателни при подигнувањето на слики, бидејќи најголемиот дел од оние кои се најдени на интернет не се слободни и не можат да бидат подигнати на Википедија. Слики заштитени со авторски права се користат само во исклучителни услови на праведна употреба.

За повеќе информации, видете Википедија:Авторски права.

За повеќе информации, видете Википедија:Подигнување на слики.

Стандарден јазик и стил[уреди извор]

Кога пишувате статии, бидете сигурни дека Вашиот текст е напишан на стандарден македонски јазик, а не на некој од дијалектите. Од голема важност е и правописот на текстот, кој треба да биде по кодифицираните стандарди. За повеќе информации, видете Правопис на македонскиот јазик.

Википедија е енциклопедија и употребува енциклопедиски стил на пишување. Статиите треба да бидат со формален начин на нарација, со конкретни реченици изградени од факти, а не мислења. Избегнувајте употреба на атрибути кои ја опишуваат дадената тема. Наместо да кажете, на пример, „Адолф Хитлер е најлошиот злосторник на 20-от век..“ наведете ги само делата кои ги извршил Хитлер, користејќи објективност и дадете му на читателот сам да пресуди и сам да го одреди карактерот на темата.

Однесување[уреди извор]

Википедија охрабрува атмосфера на пријателство и отвореност. Секако, во пракса понекогаш се случуваат некои несогласувања и по некој вжештен аргумент, но од членовите на заедницата се очекува да се однесуваат на генерално цивилен начин.

Најважната работа која треба да ја имате на ум е дека секогаш треба да претпоставите добри намери во врска со другите уредувачи. Не претпоставувајте дека некој делува од инает или за зли намери. Ако некој или нешто Ве вознемирува, оставете учтива порка на страницата за разговор на поврзаната статија или на страницата за разговор на корисникот, и прашајте зошто. Можете да откриете понекогаш дека сте избегнале недоразбирање и сте се поштедиле себеси од посрамување.


Преименување на статии[уреди извор]

Ако најдете статија за која верувате дека е погрешно именувана, Ве молиме, немојте да ја копирате и залепите содржината на старата статија во нова статија - меѓу другите работи, ги одделува претходните уредувања од нивната историја на уредувања (кои мораме да ги чуваме заради причини поврзани со авторските права). Претпочитаниот метод е да се премести страницата во новото име. Ако ова Ви е прв обид за таков потфат, Ве молиме внимателно читајте ги правилата на страницата за преместување, бидејќи има број на проблеми кои треба да се имаат на ум при преместување на статии. Најдобро би било да се консултирате со некој од администраторите или од поискусните уредувачи.


Продолжете го курсот со зачленување